Myndir mánaðarins - Desember 2017

14 Myndir mánaðarins Unlocked Spenna / Hasar Hver einasta mínúta gæti orðið sú síðasta Aðalhlutverk: Noomi Rapace, Orlando Bloom, Michael Douglas, Toni Collette og John Malkovich Leikstjórn: Michael Apted Útgefandi: Sena 98 mín Veistu svarið? Eins og margir vita ólst leikkonan Noomi Rapace upp á Íslandi til fimmtán ára aldurs þegar hún flutti til Svíþjóðar en leiklistaráhugi hennar kviknaði þeg- ar hún lék lítið hlutverk í íslenskri mynd árið 1987, átta ára gömul. Hvaða mynd er um að ræða? Í skugga hrafnsins. 1. desember Punktar .................................................... l Handrit Unlocked er eftir Peter O’Brien og var árið 2008 á svarta listanum í Hollywood yfir áhugaverðustuókvikmynduðuhandritin. l Myndin inniheldur nokkur hörkugóð hasar- og slagsmálaatriði og við tökur á einu þeirra fékk Noomi Rapace vænt högg með þeim afleiðingum að hún nefbrotnaði og vankaðist um leið. Eftir að hafa jafnað sig og í ljós kom að henni hafði ekki orðið meira meint af högginu en að nefbrotna héldu tökur áfram eins og ekkert hefði í skorist og hún lét ekki laga brotið fyrr en eftir að þeim lauk. Þegar yfirheyrslusérfræðingurinn Alice Racine, sem vinnur fyrir CIA, er kölluð til að yfirheyra meintan hryðjuverkamann áttar hún sig ekki fyrr en of seint á því að yfirheyrslan er í raun gildra, sett á svið til að veiða upplýsingar upp úr henni sjálfri. Þannig hefst njósnatryllirinn Unlocked eftir leikstjórann Michael Apted sem á langan feril og margar góðar myndir að baki eins og t.d. Coal Miner’s Daughter , Gorky Park , Gorillas in the Mist , Blink , Extreme Measures , Enigma og fleiri . Unlocked er þrælgóð mynd fyrir þá sem vilja spennu, hasar, óvænta atburðarás og fléttur. Um leið og Alice áttar sig á að hún hefur gengið í gildru og í raun gefið hryðjuverkamönnum mikilvægar upplýsingar í stað þess að afla þeirra eins og starf hennar snýst um kemur í ljós að í bígerð er að gera sýklavopnaárás á London sem myndi hafa skelfilegar afleiðingar í för með sér. Þá áætlun þarf að stöðva en vandamálið er að nú veit Alice ekki lengur hverjum hún getur treyst ... Noomi Rapace leikur yfirheyrslusérfræðinginn Alice Racine sem kemst á snoðir um áætlun um að gera sýklavopnaárás á London og á eftir það fullt í fangi með að halda lífi. Unlocked Toni Collette er í einu af þremur stærstu aukahlutverkunum í myndinni en í hinum eru þau Michael Douglas og John Malkovich. Orlando Bloom leikur fyrrverandi sérsveitarmann sem býðst til að aðstoða Alice, en hún á erfitt með að treysta honum. VOD HHH 1/2 - Chicago Tribune HHH 1/2 - Village Voice