Myndir mánaðarins, janúar 2018

8 Myndir mánaðarins Það skrítna við þessa vinnu er að maður getur ekki lært hvernig á að gera hlutina rétt, bara hvernig maður gerir þá rangt. Þetta er frekar hvimleitt. - Steven Soderbergh, um gerð kvikmynda. Ég hef margoft fengið að heyra spurninguna „jæja, svo þig langar að verða fræg?“ Uh, nei, mig langar að verða góð leikkona. Það eru alveg ótrúlega margir sem halda að leikarar leiki vegna þess að þá langi svo að verða frægir. En ég get alveg sagt hverjum sem er að leikari sem hefur það eitt að markmiði að verða frægur mun aldrei ná langt því þetta snýst ekkert um þá hluti heldur að verða góður í því sem maður er að gera. Ég fór í leiklist vegna þess að ég elska leiklist og langar að verða eins góð leikkona og ég get frekast orðið. Frægðin er fylgifiskur, ekki markmið. - Chloë Grace Moretz . Ég held að mesta samfélagsbreyt- ingin á undanförnum árum felist í því að áður fyrr þurfti fólk að leita eftir þekkingu í bókum og leggja eitthvað á sig til að nálgast hana og skara síðan fram úr á sínu sviði. Þeir sem það gerðu nutu síðan virðingar og á þá var hlustað. Í dag þarf ekki annað en tölvu og aðgang að netinu til að allir telji sig sérfræðing án þess að þurfa að leggja neitt á sig annað en að læra að kópí/peista. - David Strathairn . Ég hef eiginlega aldrei nennt að lesa handrit sem mér hafa verið send. Frekar vil ég að einhver komi og útskýri bara fyrir mér um hvað sagan er og hvernig fólkið í henni hagar sér og ef mér líkar við það þá læri ég línurnar. - Judi Dench . Ég tel mig mjög heppinn að hafa fæðst með þetta andlit. Það hefur hjálpað mér að það skuli vera svo mikið miðjumoð og hlutleysi í því að það er auðvelt að láta það líta betur út eða verr, allt eftir persón- unni sem ég er að leika. - Colin Firth . Það var árið 2011 sem vinkona mín og samstarfsfélagi Jessica Barth sagði mér frá hegðun Harveys Weinstein gagnvart henni og öðrum konum. Það var á grunni hennar frásagnar sem ég gat ekki staðist að segja það sem ég sagði á Óskarnum tveimur árum síðar. Jessica hefur síðan komið fram og sagt frá þessu opinberlega, sem er gott því það er ekkert jafn ógeðslegt og óverjandi og misbeiting á valdi og ég ber endalausa virðingu fyrir Jessicu og öllum þeim konum sem hafa ákveðið að stíga fram og segja sína sögu, fyrir að gerast riddarar sannleikans. - Seth MacFarlane, að útskýra orð sín eftir að hafa lesið upp nöfn þeirra kvenna sem tilnefndar voru fyrir leik í aukahlutverki 2013 : „ Congratulations, you five ladies no longer have to pretend to be attracted to Harvey Weinstein .“ Ég reyndi að komast inn í Julliard en var hafnað. Ég bjó hjá for- eldrum mínum, þurfti að borga leigu, vissi ekkert hvað ég ætti að gera og borðaði of marga hamborgara. Það var þá sem ég ákvað að ganga í herinn. - Adam Driver, um árið eftir grunn- skólann . Ég hef bara ekki nokkra einustu hugmynd um það. Ég er ekkert bundinn og ég bara tek því sem kemur, ef eitthvað kemur, og vona að það verði skemmtilegt. - Daniel Craig, spurður að því hvað hann ætli að gera þegar hann er hættur að leika James Bond . Fólk virðist alltaf halda að ég hafi skipulagt feril minn fyrirfram. Ég hef oft fengið hrós fyrir að hafa gert það svona vel. Staðreyndin er að ég skipulagði aldrei neitt og skipulegg ekkert í dag heldur. Ég bara skoða það sem mér býðst hverju sinni og reyni að velja það sem mér finnst að eigi best við mig í það skipti og höfðar mest til mín, og þá á ég ekkert endilega bara við verkefnið sjálft heldur líka hverjir verða samstarfsmenn mínir í verkefninu. Svo fer þetta líka eftir skapinu, hvort ég sé tilbúin í einhver átök eða vilji sigla lygnan sjó í næsta verkefni. Svo skiptir tíminn máli. Svona er þetta og kallast ekki skipulagning. - Kate Winslet, spurð hvernig hún velji verkefni sín . Þetta er bara vitleysa. - Idris Elba, spurður að því hvað honum finnist um að vera talinn á meðal kynþokkafyllstu karla . Ég hef ekki nokkra hugmynd um það. Það stóð aldrei til að ég reyndi að herma eftir hvernig Tim Curry lék hann. Ég hefði ekki getað það heldur hvort sem er. Ég gat bara leikið hann eins og ég lék hann. Það verða aðrir en ég að svara þessari spurningu. - Bill Skarsgård, spurður að því hvaða munur væri á því hvernig Tim Curry lék trúðinn Pennywise og hvernig hann sjálfur lék hann . Égætlaði aldrei að verða leikari. Ég var alltaf viss um að ef ég reyndi það þá myndu allir segja að ég fengi bara hlutverk út á hann. - Domhnall Gleeson, sem er sonur Brendans Gleeson . Staðreyndin er að á bak við frægð- ina þá er Tom Cruise frábær leikari með einstaka hæfileika og getur leikið hvaða hlutverk sem er. - Doug Liman, leikstjóri mynd- arinnar American Made .