Myndir mánaðarins, maí 2018 - Bíó

29 Myndir mánaðarins Kona fer í stríð Stríð eru af öllum stærðum Aðalhlutverk: Halldóra Geirharðsdóttir, Davíð Þór Jónsson, Magnús Tryggvason Eliassen, Ómar Guðjónsson og Jóhann Sigurðsson Handrit: Benedikt Erlingsson og Ólafur Egilsson Leikstjórn: Benedikt Erlingsson Bíó: Smárabíó, Háskólabíó, Laugarásbíó og Borgarbíó Akureyri 96 mín Punktur punktur komma strik. Frumsýnd 23. maí l Þegar þetta er skrifað eru þær fréttir nýjar að Kona fer í stríð hafi verið valin til þátttöku á svokallaðri Critics‘ Week, einni af hliðardagskrám hinnar virtu kvikmyndahátíðar í Cannes sem hefst formlega 8. maí. Þar verður hún heimsfrumsýnd 12. maí en fyrirfram er það mikill heiður fyrir aðstandendur kvikmyndar ef mynd þeirra er valin til sýninga á Critics‘ Week enda koma þúsundir kvikmynda frá öllum heimshornum til greina hverju sinni. Af þeim velja gagnrýnendurnir sem valnefndina skipa síðan aðeins sjö til sýningar. Það verður gaman að sjá hvaða viðtökur Kona fer í stríð hlýtur í Cannes. l Myndin, sem er íslenskt/​franskt/​úkraínskt samvinnuverkefni, er framleidd af Marianne Slot, Benedikt Erlingssyni og Carine Leblanc og meðframleidd af Serge Lavrenyuk, Bergsteini Björgúlfssyni og Birgittu Björnsdóttur. Bergsteinn Björgúlfsson sá um stjórn kvik­ myndatöku, Davíð Alexander Corno klippti myndina og það er Davíð Þór Jónsson sem samdi tónlistina fyrir hana. Halla er kórstjóri á fimmtugsaldri sem ákveður að lýsa yfir sínu eigin stríði gegn allri mengandi stóriðju í landinu. Hún gerist skemmdarverkamaður og er tilbúin að fórna öllu fyrir móður jörð oghálendi Íslands, allt þar til munaðarlaus stúlka fráÚkra- ínu stígur inn í líf hennar. Að bjarga einu barni er að bjarga heiminum. En er það nóg? Kona fer í stríð er önnur bíómynd Benedikts Erlingssonar sem leik- stjóra en sú fyrri var myndin Hross í oss sem sló í gegn haustið 2013, hlaut síðan sex Edduverðlaun af fjórtán tilnefningum, þ. á m. sem besta mynd ársins, auk toppdóma gagnrýnenda og óteljandi verð- launa á alþjóðlegum hátíðum. Það er því sérstakt tilhlökkunarefni að fá að sjá þessa nýju mynd hans, en hún skartar Halldóru Geir- harðsdóttur í aðalhlutverki og verður frumsýnd 23. maí. Halldóra Geirharðsdóttir leikur kórstjórann Höllu sem ákveður að segja stóriðjunni stríð á hendur og leggja allt sitt í baráttuna. Benedikt Erlingsson leikstjóri og annar handritshöfundur myndarinnar. Kona fer í stríð Hasar Punktar .................................................... Veistu svarið? Það mótmælir því sennilega enginn að Halldóra Geirharðsdóttir hefur verið á meðal fremstu og skemmtilegustu leikara Íslendinga um árabil. En vissuð þið að hún lék í sinni fyrstu bíómynd aðeins 11 ára að aldri árið 1979? Hvaða mynd var það?