Myndir mánaðarins, júní 2018

16 Myndir mánaðarins Ingvar er utan af landi og stundar nám í Reykjavík. Þegar hann uppgötvar klámsíðu sem snertir hann persónulega á slæman hátt ákveður hann að leita þann uppi sem ber ábyrgð á henni og efni hennar með hefnd í huga. A Reykjavik Porno er íslensk-skosk mynd og um leið fyrsta mynd leikstjórans og handritshöfundarins Graemes Maley. Henni hefur verið lýst sem norrænni dökk- mynd (film-noir) en sagan gerist á þremur dögum í svartasta skammdeginu og í ískulda sem segja má að hafi fryst borgina. Um leið og Ingvar er harðákveðinn í að finna þann sem ber ábyrgð á efni klámsíðunnar og láta hann svara fyrir það er hann líka á milli nokkurs konar steins og sleggju tveggja kvenna sem vilja báðar eiga athygli hans, annars vegar unnustunnar og hins vegar leigusala hans ... Myndin er að öllu leyti tekin upp á kunnuglegum stöðum í Reykjavík sem segja má að leiki um leið fjórða aðalhlutverkið í henni og sýni sína hrollköldustu hlið. Ein borg, tvö leyndarmál, þrjár nætur 7. júní 80 mín Aðalhl.: Albert Halldórsson, Ylfa Edelstein og Þuríður Blær Jóhannsdóttir Leikstj.: Graeme Maley Útgefandi: Sena VOD Spennudrama Albert Halldórsson leikur Ingvar sem ákveður að grípa til sinna eigin hefndar- aðgerða þegar hann uppgötvar klámsíðu sem snertir hans persónulega líf. A Reykjavik Porno – K3 Fjallhressir teiknimyndaþættir um poppsöngkonurnar Kötu, Kylie og Kim sem í tónleikaferðum sínum um heiminn lenda í ótrúlegustu ævintýrum. Krökkum á öllum aldri er hér boðið með í tónleikaferðir um víða veröld með þeim Kötu, Kylie og Kim sem saman nefna sig K3. Þær eru æskuvinkonur sem fyrir utan sönginn og að koma fram á tónleikum slá aldrei hendinni á móti öðrum ævintýrum sem þeim býðst að taka þátt í á ferðum sínum, hvort sem þau snúast um að góma fingralanga, berjast við skrímsli eða hjálpa þeim sem minna mega sín í veröldinni. Þetta er safn númer sjö í seríunni, þættir 46 til 52. K3 Alltaf saman – að eilífu 8. júní 84 mín Teiknimyndir með íslensku tali um K3-sönghópinn Útgefandi: Myndform Punktar ............................................................................................ VOD Barnaefni l Þættirnir um þær Kötu, Kylie og Kim eru framleiddir af sama fyrirtæki og gerði þættina um Mæju býflugu, Vigga víking, Heiðu og Artúr og mínímóana.