Myndir mánaðarins, september 2018

8 Myndir mánaðarins Þú færð mig ekki til að kvarta yfir hlut- skipti mínu. Ég hef notið þeirrar gæfu að hafa haft nóg að gera í 24 ár en á sama tíma séð miklu hæfileikaríkari leikara en mig koma og hverfa vegna verkefnaskorts. Þetta er grimm veröld. - Ryan Reynolds. Ég var hræðilegur í þeirri mynd ( Thra- shin' ). Hún, og svo myndin Hollow Man nokkrum árum síðar, fengu mig til að hugsa um að skipta um starf. - Josh Brolin, um sína verstu frammi- stöðu sem leikari. Ég elska að leika á sviði, en bara í takmarkaðan tíma í einu. Ég lék einu sinni sama hlutverkið í sex mánuði og það var mjög erfitt. Allt umfram fjórtán vikur er of mikið fyrir mig. - Stanley Tucci . Leiðinlegast af öllu var að þurfa að hafna hlutverkinu í The Hobbit . En þetta var skuldbinding upp á rúmt ár fjarri heimilinu og fjarri fjölskyldu og vinum og ég bara treysti mér ekki í það verk. - Saoirse Ronan, að tala um þau hlutverk sem hún sér mest eftir að hafa misst af, en Peter Jackson vildi að hún léki eitt hlutverkið í The Hobbit: An Unexpected Journey . Ég veit aðmörgum finnst ekki mikið til starfs leikarans koma en fyrir mér þá er það hin fullkomna reynsla. Maður fær að lifa lífi fjölmargra fyrir verð eins. - Natalie Dormer . Ég elska að leika en ef ég þarf að segja eitthvað neikvætt um þessa vinnu þá er það það að stundum þarf maður að yfirgefa heimili sitt, vini og ættingja í margar vikur á meðan maður vinnur. Á móti kemur að á milli verkefna getur maður oft tekið sér langt frí. - Douglas Booth . Fullt af fólki leit þannig á að ég væri alltaf að leika einhverja lúsera. Frá mínum sjónarhóli var ég bara að leika ósköp venjulegt fólk. - Timothy Spall, að tala um hlutverkin sem gerðu hann frægan fyrr á árum . Ég reyni að endurtakamigekki ofmikið og vil í hverri mynd bjóða áhorfendum á staði sem þeir hafa aldrei komið til áður, og vissu jafnvel ekki að væru til. Og þá á ég ekki við landfræðilega staði heldur huglæga. En vissulega geri ég hlutina eftir mínu höfði í hvert sinn og vissulega hef ég minn stíl. - Wes Anderson . Það er algjörlega fáránlegt að 95,9 prósent af mannkyninu skuli eltast við að líta út eins og 0,1 prósentið. - MelissaMcCarthy . Það tekur langan tíma að fullorðnast, miklu lengri tíma en fólki er sagt. - Candice Bergen . Langerfiðasta leikverkefnið er að leika í vikulegum sjónvarpsþáttum. Ég hef séð marga brenna út í því starfi. - Don Johnson . Umhverfisvernd snýst ekki bara um umhverfið heldur heilbrigða hugsun. - Alicia Silverstone . Að vera partur af góðri sögu og hjálpa til við að koma henni á framfæri við áhorfendur ... það er mín köllun. - Alden Ehrenreich . Ég er í minni eigin herferð. Ég er að reyna að sannfæra fólk um að við viljum öll í raun það sama þótt okkur greini á um aðferðirnar til að fá það. Vandamálið er að fólk ruglar of oft saman ferðinni og áfangastaðnum. - Bryan Cranston . Það er bókstaflega starf grínistans að gera grín að hlutunum. Þar á ekkert að vera undanskilið. Allt getur verið fyndið frá ákveðnum sjónarhornum. - Donald Glover . Ég eyði ekki tíma mínum í að hugsa um hvað gagnrýnendum á eftir að finnast. Ég er bara þakklát fyrir tækifærið til að vinna með besta fólki í heimi að því að skapa sögur sem eiga fullt erindi til allra. - Shailene Woodley . Það geggjaðasta sem ég hef gert? Það er áreiðanlega þegar ég fékk mikinn áhuga á manni sem ég kannaðist lítillega við og ákvað að sitja fyrir honum. Þóttist svo ekkert vita þegar hann birtist. En þetta fór vel. - Rachel McAdams .