Myndir mánaðarins, desember 2018 - Leigan

6 Myndir mánaðarins Vatnsberinn 20. jan. - 18. feb. Tvíburarnir 21. maí - 21. júní Vogin 23. sept. - 23. okt. Þú lætur ekki þitt eftir liggja, og manst eftir að ganga frá skærun- um og límbandsstatífinu aldrei þessu vant. Þú gefur öllum í fjöl- skyldunni spiladósir í jólagjöf. Það bendir ýmislegt til að þú lend- ir í talsverðum vatnavöxtum í des- ember, annað hvort fyrir austan eða þegar þú heimsækir einhvern út á nes. Þú færð steypubíl í skóinn. Leggðu áherslu á að pakka öllum jólagjöfunum þínum inn í hvítan jólapappír með gylltum stjörnum og setja á þá silfraða borða því þá mun allt annað ganga upp hjá þér. Þú færð alveg frábæra hugmynd í jólagjafastússinu en gleymir henni áður en þú kemur heim. Þú gerir allt sem þú getur til að gleðja aðra, sérstaklega fólk sem býr á Dalvík. Sporðdrekinn 24. okt. - 21. nóv. Bogmaðurinn 22. nóv. - 21. des. Það gengur allt upp hjá þér í des- ember nema eitthvert plott varð- andi einhvern Hallmund. Hættu bara við það. Mundu að ganga hægt inn um allar dyr. Gleðileg jól. Steingeitin 22. des. - 19. jan. Ungt fólk sem fætt er í krabba- merkinu þarf að spyrja sig margra spurninga upp úr tíunda desem- ber. Íhugaðu að breyta algerlega um stefnu á næstu gatnamótum. Krabbinn 22. júní - 22. júlí Mundu hvað þú gerðir við merki- miðana frá því í fyrra áður en þú kaupir fleiri. Leggðu áherslu á að fá mótorhjól í jólagjöf og þá er aldrei að vita nema einhver gefi þér skíði. Ljónið 23. júlí - 22. ágúst Desember er ekki rétti tíminn til að fá í bakið og því skaltu fresta því fram í janúar. Þú lærir að prjóna og gefur öllum sem þú þekkir græna eða rauðleita lopasokka í jólagjöf. Meyjan 23. ágúst - 22. sept. Hrútar sem komnir eru með skalla ættu að íhuga að fjárfesta í kollu fyrir jólin. Aðrir hrútar eru áminntir um að bursta í sér tennurnar, helst með meðalmjúkum tannbursta. Fiskarnir 19. feb. - 20. mars Það eru talsvert margar jólakúlur í stjörnukortunum hjá þér þessa dagana sem ætti að gefa þér ein- hverjar vísbendingar um hvað muni gerast hjá þér á næstunni. Hrúturinn 21. mars - 19. apríl Ef þú heldur þig á mottunni meiri hluta mánaðarins þá er aldrei að vita nema þú fáir tólf-mánaða bíó- kort í jólagjöf. Væri þaðekki gaman? Farðu út að hlaupa ef þér leiðist. Nautið 20. apríl - 20. maí Stjörnurnar gefa greinilega í skyn að þú þurfir að búa þig undir eitt- hvað sem annað hvort kemur eða kallar þann átjánda. Ef þú átt bíl þá þarftu að láta tékka á pönnunni. Vintery, mintery, cutery, corn Apple seed and apple thorn Wire, briar, limber lock Three geese in a flock One flew East One flewWest And one flew over the cuckoo’s nest Um þessar mundir eru liðin sextíu ár frá því að bandaríski rithöfundurinn Ken Kesey hóf aðeins 24 ára að aldri að skrifa skáldsögu sína One Flew Over the Cuckoo’s Nest , en hún átti eftir að reynast tímamótaverk sem átti stóran þátt í að breyta því hvernig fólk leit á geðsjúkdóma og þá sérstaklega hvernig tekið var á þeim. Bókin vakti athygli en um leið miklar deilur og var víða bönnuð vegna þess hve mikla og óvægna gagnrýni hún innihélt, ekki bara á geðstofnanir og fólk sem sinnti geðsjúkum heldur líka á allt kerfið í heild sem vildi taka fram fyrir hendur einstaklinga og setja þeim lög og reglur sem jafnframt sviptu þá frelsi sínu. Einn af þeim sem lásu bókina og hrifust mjög af henni var Kirk Douglas sem ákvað að kaupa réttinn af Ken til að setja upp leikverk eftir henni með sjálfum sér í hlutverki annarrar aðalpersónunnar, Randles Mc- Murphy, og síðan kvikmynda hana ef honum tækist að fá til þess fjármögnun. Leikverkið fór upp en gerði það ekki gott og Kirk tókst ekki að fá framleiðendur til að fallast á að setja peninga í kvikmyndunina auk þess sem þeir féllust ekki á þær kröfur sem Kirk gerði, t.d. varðandi það að hann myndi sjálfur leika McMurphy. Svo fór að hann neyddist til að leggja áform sín á hilluna, án þess þó að missa trú á að þessi saga yrði að kvikmynd einn góðan veðurdag. Nokkrum árum síðar var Kirk staddur í Prag og hitti þar ungan tékkneskan kvik- myndagerðarmann að nafni Milos Forman sem þá hafði gert nokkrar afar eftirtektarverðar myndir. Kirk kunni vel að meta handverk hans en ekki síður persónuleika Milosar, áhuga hans, ákefð og ástríðu. Kirk sagði honum að hann ætti bók heima sem hann vildi fá að senda honum og fá álit hans á hvort hann héldi sig geta gert mynd eftir henni. Bókin kom hins vegar ekki og Milos hélt að Kirk hefði einfaldlega gleymt þessu eða misst áhugann. Svo var þó ekki því það fyrsta sem Kirk gerði þegar hann kom heim var að póstleggja eintak af bókinni til hans. Þegar ekkert svar barst frá Milosi taldi hann að Milos hefði einfaldlega ekki haft áhuga á að skoða málið frekar. Hvorugur áttaði sig á því að bókin hafði verið gerð upptæk í tékkneska tollinum þegar hún barst enda höfðu þeir ekki samband aftur. Mörg ár liðu og sonur Kirks, Michael Douglas sem þá var að hefja sinn leiklistar- og fram- leiðsluferil, fékk mikinn áhuga á sögunni. Faðir hans sagði honum þá frá kynnum sínum af Milosi en að hann hefði aldrei svarað bréfinu sem hann sendi með bókinni. Eitthvað hefur Michael fundist grunsamlegt við það og ákvað að hafa samband við Milos og spyrja hann út í þetta. Þá fyrst kom sannleikur málsins í ljós og svo fór að Michael kom bókinni loksins til hans eftir krókaleiðum. Milos hreifst mjög af bókinni og samþykkti að leikstýra myndinni fyrir lágmarkslaun eins og reyndar allir sem komu að gerð hennar og léku í henni þurftu að gera. Með þá samninga í höndunum tókst Michael að tryggja nægilegt fé til að hefjast handa og í nóvember árið 1975, þrettán árum eftir að Kirk hafði keypt kvikmyndaréttinn var samnefnd mynd með Jack Nicholson í aðalhlutverki frum- sýnd. Hún sló algjörlega í gegn á heimsvísu og varð tekjuhæsta mynd ársins 1976 auk þess að hljóta fjölmörg verðlaun, þar á meðal fimm Óskarsverðlaun af níu tilnefningum. Myndin þótti og þykir enn snilldarverk í alla staði og er frábært dæmi um mynd sem þrátt fyrir að vera orðin rúmlega fertug hefur ekki elst neitt að innihaldi og er alltaf jafngóð. Sennilega mun hún enn vera það dæmi eftir önnur 40 ár. Michael og Kirk Douglas. Milos Forman.