Myndir mánaðarins, febrúar 2019 - Leigan

14 Myndir mánaðarins 7. febrúar 110 mín Aðalhl.: Tiffany Haddish, Tika Sumpter, Omari Hardwick ogWhoopi Goldberg Leikstjórn: Tyler Perry Útgefandi: Síminn og Vodafone VOD Gamanmynd Þegar hin fjallhressa og óbeislaða Tanya er látin laus úr fangelsi kemur það í hlut Danicu systur hennar að taka á móti henni og hýsa hana þar til Tanya hefur komið undir sig fótunum. Segja má að allt fari upp í loft hjá þeim systrum þegar Tanya uppgötvar að ástamál Danicu eru í alvarlegu ólagi. Hér er á ferðinni hröð og fjörug gamanmynd sem gæti allt eins flokkast sem farsi. Málið með Danicu er að skömmu eftir að fyrrverandi kærasti hennar yfirgaf hana hóf hún samband við mann á netinu sem kveðst heita Charlie en Danica hefur samt aldrei séð í eigin persónu. Á sama tíma á hún sér fleiri vonbiðla en hefur ekki fundið neistannmeð neinumþeirra ... nema hinumóséða Charlie semhún spjallar við á netinu á hverjum degi. Við þetta ástand í ástamálum systur sinnar getur Tanya ekki sætt sig og einsetur sér að greiða úr málunum á sinn einstaka hátt ... Sá eini rétti? Tika Sumpter og Tiffany Haddish leika systurnar ólíku Danicu og Tanyu og Whoopi Goldberg leikur móður þeirra Lolu í þessari nýjustu gamanmynd Tylers Perry. l Leikstjóri og handritshöfund- ur myndarinnar, Tyler Perry, er einna þekktastur fyrir gaman- myndir sínar um hina óvenju- legu Madeu, en fyrsta myndin um hana, Madea’s Family Reunion , var gerð árið 2006 og sló hressilega í gegn. Tyler lék sjálfur nokkrar af persónum hennar, þ. á m. Madeu og hefur gert það síðan í fleiri myndum sem flestar hafa notið mikilla vinsælda. l Grínistinn Kevin Hart kemur fram í Nobody’s Fool í skemmti- legu aukahlutverki. Punktar .................................................................. Nobody’s Fool Gina Rodriguez brosti út að eyrum í New York 22. janúar, kannski vegna þess að hún hefur verið ráðin til að leika teiknimyndapersónuna Carmen Sandiego í leikinni mynd sem gera á um hana. Á sama tíma sprangaði Chris Pine um New York í brúnu en hann mun leika flugkappann Steve Trevor á ný í Wonder Woman 2 þrátt fyrir að Steve hafi ekki náð að lifa fyrri myndina af. Vinkonurnar Uma Thurman og Salma Hayek voru hins vegar staddar í París á sama tíma og mættu báðar í svörtu í kokteilpartý á vegum Boucheron-skartgripaframleiðandans.