MM Mars 2019 DVD WEB

16 Myndir mánaðarins The Sisters Brothers Morð er bara vinna Aðalhlutverk: John C. Reilly, Joaquin Phoenix, Jake Gyllenhaal, Riz Ahmed, Rebecca Root, Allison Tolman, Rutger Hauer og Carol Kane Leikstjórn: Jacques Audiard Útgefandi: Myndform 121 mín 8. mars l Leikstjóri The Sisters Brothers er hinn margverðlaunaði Frakki Jacques Audiard sem gerði m.a. myndirnar Un prophète , Dheepan og De rouille et d’os ( Ryð og bein ) en hann skrifaði einnig handritið ásamt samstarfsmanni sínum til margra ára, Thomasi Bidegain. The Sisters Brothers hlaut Silfurljónið á kvikmyndahátíðinni í Feneyjum og var tilnefnd til Gullna ljónsins sem besta mynd- in. Hún hefur enn fremur hlotið góða dóma gagnrýnenda og telja margir áhorfendur hana í flokki bestumynda ársins 2018. The Sisters Brothers er kostuleg blanda af vestra og svartri kómedíu en hún gerist á tímum gullæðisins í Kaliforníu um miðja nítjándu öld. Þeir Joaquin Phoenix og John C. Reilly leika bræðurna Charlie og Eli Sisters sem hafa tekið að sér að elta uppi gullleitarmann og efnafræðing (að eigin sögn) að nafni Hermann Warm fyrir mann sem er alltaf kallaður „Commodore“ (Rutger Hauer) og fullyrðir að Hermann þessi hafi stolið af sér fé. Óhætt er að segja að ferð bræðranna og leit þeirra að Hermanni verði þyrnum stráð enda kemur í ljós að það eru fleiri en þeir sem vilja hafa hendur í hári hans. Ekki bætir úr skák að Eli, sem langar helst að hætta í þessum bransa og opna verslun, hefur miklar efasemdir um að þessi Commodore hafi verið að segja þeim sannleikann og Charlie er sífellt að detta í það með tilheyrandi hliðarsporum, töfum og alls konar veseni ... Joaquin Phoenix og John C. Reilly leika Sisters-bræðurna Charlie og Eli sem taka að sér að finna og handsama efnafræðinginn og gullleitarmanninn eftirlýsta, Hermann Kermit Warm. The Sisters Brothers Vestri / Svartur húmor Punktar .................................................... Joker. Veistu svarið? Bandaríski leikarinn Joaquin Phoenix, sem fer eins og reyndar aðrir leikarar í The Sisters Brothers á kostum í myndinni, mun næst birtast okkur sem titilpersónan í nýjustu mynd Todds Phillips. Hvað nefnist sú fræga persóna og þar með myndin sjálf? Riz Ahmed og Jake Gyllenhaal í hlutverkum sínum í The Sisters Brothers , en þeir leika þá Hermann Kermit Warm og John Morris. HHHH 1/2 -Wrap HHHH 1/2 - L.A. Times HHHH 1/2 - N.Y. Times HHHH 1/2 - H. Reporter HHHH 1/2 - BostonGlobe HHHH - Slate HHHH - IndieWire HHHH - TimeOut HHHH - Rolling Stone HHHH - TheGuardian HHHH - CineVue HHHH - Screen Intl. VOD