Myndir mánaðarins, júlí 2019 - Leigan

16 Myndir mánaðarins Life Itself – Mía og ég 12. júlí 118 mín Aðalhl.: Oscar Isaac, Olivia Wilde, Annette Bening og Antonio Banderas Leikstjórn: Kölsch og Widmyer Útg.: Myndform VOD Drama/rómantík/flétta Líf og lífshlaup nokkurra einstaklinga og para sem þekkjast ekkert inn- byrðis og búa annars vegar í New York og hins vegar á Spáni tvinnast saman fyrir undarlegar tilviljanir sem eiga eftir að hafa áhrif á líf þeirra langt umfram það sem búast mátti við og leiða þau að lokum saman. Life Itself hefur verið lýst sem rómantískri fléttu- og örlagasögu sem sýnir fram á að þrátt fyrir að fólk þekkist ekkert innbyrðis þá geti það með aðgerðum sínum haft mikil og langvarandi áhrif hvert á annað. Í raun er myndin byggð upp á nokkrum aðskildum sögum sem áður en yfir lýkur tvinnast saman í eina heild sem nær langt út fyrir líf hvers og eins sem við sögu kemur og á milli kynslóða ... Allt sem þú gerir hefur afleiðingar Olivia Wilde og Oscar Isaac leika Abby og Will sem hafa verið saman síðan í mennta- skóla og eiga nú von á sínu fyrsta barni. l Life Itself er önnur bíómynd Dans Fogelmanenþá fyrstu, gæðamyndina Danny Collins , sendi hann frá sér árið 2015. Þess utan hefur Dan getið sér gott orð sem handritshöfundur en fyrir utan handritin að Danny Collins og Life Itself skrifaði hannm.a. handrit myndanna Crazy Stupid Love , The Guilt Trip og Last Vegas . Þá má og geta þess að hann er aðalhöfundur sjónvarpsþáttanna This Is Us sem notið hafa mikilla vinsælda. l Samuel L. Jackson leikur sjálfan sig í myndinni og þess utan leika m.a. þau Laia Costa, Mandy Patinkin, Jean Smart, Olivia Cooke, Isabel Durant og Lorenza Izzo stór hlutverk í henni. Punktar .................................................................. Mía og ég eru tölvuteiknaðir 23 mínútna þættir um hina tólf ára gömlu Míu sem í gegnum gjöf frá föður sínum, sem var uppfinningamaður, getur ferðast inn í álfa- og ævintýralandið Sentópíu þar sem hún breytist sjálf í álfastelpu. Í Sentópíu búa bæði álfar og margs konar furðudýr svo sem einhyrningar sem Mía tekur miklu ástfóstri við enda skilur hún mál þeirra og þeir hennar. Ásamt þeim og öðrum vinum sínum lendir Mía síðan í margs konar skemmtilegum ævintýrum. Komdu með í ævintýralandið Sentópíu 12. júlí 69 mín Teiknimyndir um hina 12 ára Míu sem ferðast inn í ævintýralandið Sentópíu Útgefandi: Myndform VOD Barnaefni