Myndir mánaðarins, september 2019 - Leigan

24 Myndir mánaðarins Aladdin Gættu að því sem þú óskar þér Aðalhlutverk: Mena Massoud, Naomi Scott, Will Smith, Marwan Kenzari, Alan Tudyk, Billy Magnussen, Nasim Pedrad, Navid Negahban, og Numan Acar Leikstjórn: Guy Ritchie Útgefandi: Síminn 26. september Ævintýrið um Aladdín, sem sótt er í uppfærðu útgáfuna af arabísku þjóðsögunum Þúsund og ein nótt og Disney gerði frábæra teiknimynd eftir árið 1992, er hér fært í nýjan, litríkan og spennandi búning þar sem tónlist og dans kemur mikið við sögu og grínið og fjörið er að sjálfsögðu aldrei langt undan. Það er Guy Ritchie sem leikstýrir þessari nýju útfærslu af sögunni um Aladdín og töfralampann og í aðalhlutverkum eru þau Mena Massoud og Naomi Scott sem leika Aladdín og Jasmine prinsessu, Will Smith sem leikur andann og Marwan Kenzari sem leikur stór- vesírinn Jafar. Sagan er í stuttu máli um þjófinn og„strætisrottuna“ Aladdín sem Jafar sendir út af örkinni til að finna forláta lampa og færa sér. Aladdín veit ekki fyrr en hann hefur lampann í höndunum að í honum býr andi sem getur uppfyllt þrjár óskir þess sem á honum heldur og það verður til þess að Aladdín ákveður að standa ekki við samkomulagið við Jafar heldur nýta sér óskirnar í eigin þágu og til að vinna ástir dóttur soldánsins, hinnar fögru Jasmín prinsessu. En Jafar gefst ekki svo glatt upp og staðráðinn í að ná lampanum sendir hann sína menn af stað til að klófesta Aladdín ... Aladdin Ævintýri Punktar .................................................... Robin Williams. Veistu svarið? Teiknimyndin Aladdin sem Disney sendi frá sér 1992 var ein af fyrstu teiknimyndunum sem talsettar voru á íslensku í bíóhúsum hérlendis og þótti Laddi fara algerlega á kostum í henni sem andinn í lampanum. En hver talaði fyrir andann í ensku talsetningunni? Í hlutverki andans sem býr í lampanum og getur uppfyllt þrjár óskir eiganda síns er Will Smith sem fer á kostum í myndinni. Naomi Scott og Mena Massoud leika þau Jasmín prinsessu og Aladdín í þessari stórskemmtilegu og fyndnu fjölskyldumynd. Marwan Kenzari leikur hinn valdagráðuga Jafar stórvesír. 128 mín VOD HHHH - Guardian HHHH - FilmThreat HHH 1/2 - Playlist HHH 1/2 - C. Sun-Times HHH 1/2 - Slate HHH 1/2 - N.Y. Post HHH 1/2 - R. Stone HHH 1/2 - Variety HHH 1/2 - IndieWire l Söguna um Aladdín og töfralampann er í raun ekki að finna í hinum upprunalegu arabísku þjóðsögum sem saman nefnast Þúsund og ein nótt heldur var henni bætt inn í sagnabálkinn á 19. öld. Hún hefur þó allar götur síðan verið þekktasta sagan í Þúsund og einni nótt ásamt sögunni, eða sögunum sjö, um Sindbað sæfara. l Tónlistin í myndinni er að mestu eftir Alan Menken sem samdi Óskarsverðlaunatónlistina við teiknimyndina árið 1992 en einnig er hér að finna ný lög og texta eftir þá Benji Pasek og Justin Paul sem hlutu m.a. Óskarsverðlaunin fyrir tónlist sína í myndinni La La Land .