Myndir mánaðarins, nóvember, 2019 - VOD

25 Myndir mánaðarins The Lion King Konungur ljónanna Konungurinn snýr aftur Íslensk talsetning: Jóhann Sigurðarson, Orri Huginn Ágústsson, Þorvaldur Davíð Kristjánsson, Gabríel Máni Kristjánsson, Íris Hólm Jónsdóttir, Þórunn Jenný Qingsu Guðmundsdóttir, Hannes Óli Ágústsson, Ævar Þór Benediktsson, Björgvin Franz Gíslason, Hjálmar Hjálmarsson og fleiri Leikstjórn: Rósa Guðný Þórsdóttir Útgefandi: Síminn 29. nóvember Disney-myndin The Lion King , eða Konungur ljónanna , frá árinu 1994 er að margra mati ein besta teiknimynd sem gerð hefur verið enda sló hún áhorfsmet á sínum tíma. Þann 29. nóvember kemur mögnuð endurgerð þessarar myndar á sjónvarpsleig- urnar sem gefur töfrum og gæðumþeirrar fyrri ekkert eftir. Það þarf ekki að rekja söguþráð The Lion King fyrir neinum en þess ber þó að geta að í þessari nýju útgáfu er að finna mörg ný atriði og sjónarhorn í bland við öll meginatriði 1994-myndarinnar. Í henni gefur enn fremur að heyra nýjar lagasmíðar og líka fjögur af vin- sælustu lögunum úr fyrri myndinni, Can You Feel The Love Tonight , The Circle of Life , I Just Can’t Wait to Be King og HakunaMatata . Við viljum að sjálfsögðu hvetja kvikmyndaáhugafólk, bæði gamla aðdáendur 1994-myndarinnar svo og nýjar kynslóðir sem vaxið hafa úr grasi síðan þá, að missa ekki af þessu meistaraverki sem jafnframt er ein dýrasta mynd sem framleidd hefur verið og um leið ein vinsælasta mynd ársins 2019. Þess má og geta að The Lion King er nú komin fram úr Frozen sem tekjuhæsta teiknimynd allra tíma og situr í sjöunda sæti listans yfir tekjuhæstu bíómyndir allra tíma. The Lion King – Konungur ljónanna Ævintýri / Fjölskyldumynd l Myndin kemur út bæði með íslenskri talsetningu og enskri og í ensku útgáfunni eru það m.a. þau Donald Glover, Chiwetel Ejiofor, James Earl Jones, Beyoncé, Seth Rogen, Keegan-Michael Key, Alfre Woodard, John Oliver, Billy Eichner og John Kani sem ljá helstu persónunum raddir sínar í leikstjórn Jons Favreau. l Þess má geta til gamans að Þorvaldur Davíð Kristjánsson sem talar fyrir Simba þegar hann er orðinn fullorðinn talaði einnig fyrir Simba í 1994-teiknimyndinni, en þá þegar Simbi var ungur. Punktar .................................................... 118 mín VOD