Þegar fyrrum yfirmaður Marybeth Medina er drepinn af óþekktum leigumorðingjum neyðist hún til að leita hjálpar hjá Christian Wolff. Með hjálp bróður síns, hins stórhættulega Brax, hefst hinn bráðsnjalli Wolff handa við að leysa málið og notar til þess vafasamar aðferðir að vanda.
Allir aðalleikararnir úr fyrstu myndinni snúa hér aftur að Anna Kendrick undanskilinni.
Allison Robertson tekur við af Alison Wright sem lék Justine í fyrstu myndinni frá árinu 2016. Rödd Wright er samt tölvurödd Justine, sem er heyrnarlaus.
Ben Affleck sagði frá því í febrúar árið 2020 að byrjað væri að ræða framhaldsmynd, en handrit væri enn óklárað. Á sama tíma minntist hann á að hugmyndir væru uppi um sjónvarpsþáttaseríu byggða á fyrstu myndinni.
