Jack Nicholson og Diane Keaton munu leika aðalhlutverkin í ónefndri rómantískri gamanmynd. Fjallar hún um kvennabósa einn sem nýtur þess að fara út með konum sem eru helmingi yngri en hann. Þegar hann fer síðan með kærustunni sinni í heimsókn til móður hennar, fær hann hjartaáfall. Þegar hann er búinn að vera þar í dágóðan tíma að jafna sig, neyðist kærastan á endanum til þess að fara aftur að vinna, og skilur hann eftir í umsjá móður sinnar. Hann kemst síðan að því að hann á mun meira sameiginlegt með móðurinni heldur en dótturinni, og ástin blússar upp á milli þeirra. Myndinni verður leikstýrt af Nancy Meyers ( What Women Want ).