Smárabíó

Smáralind, 201 Kópavogur
Sími: 564-0000
www.smarabio.is

Smárabíó rúmar, eins og fram kemur á vef bíósins, yfir 1.000 manns í sæti í fimm sölum og er fullkomin stafræn tækni í þeim öllum ásamt Real D þrívídd og búnaði til að horfa á beinar útsendingar. Smárabíó varð fyrst til að bjóða Íslendingum upp á að fylgjast með beinum útsendingum í þrívídd frá stórum íþróttaviðburðum og komast jafnan færri að en vilja á þær sýningar.
Okkar takmark er skýrt; að bjóða gestum upp á hámarksgæði í öllum sölum. Við erum með mestu myndgæðin, mestu hljóðgæðin, stór sýningartjöld og öll sæti eru með gott útsýni. Smárabíó leitast við það á hverjum degi að vera kvikmyndahús á heimsmælikvarða.
Gott aðgengi er fyrir hjólastóla í öllum sölum.

Lúxussalur – 66 lúxussæti

Í Smárabíói er heimsklassa Lúxussalur fyrir allra kröfuhörðustu gestina og hann á sér enga hliðstæðu hérlendis.

Fyrsta flokks hægindastólar fyrir 66 manns og sýningartjald af fullkomnustu gerð tryggja hámarks upplifun og þægindi. Lúxusalurinn býður einnig upp á hágæða Laser 4k myndgæði frá Barco.

Auk þess að vera eitt helsta framlag Smárabíós til bættrar bíómenningar á Íslandi hentar Lúxussalurinn einkar vel fyrir fundi og ráðstefnur, ekki síst ef ætlunin er að bjóða upp á afþreyingu í kjölfarið.
Með hverjum miða í lúxussalinn fylgir annað hvort:

a.) Bjórglas, léttvín, eldgos í dós ( fyrir þá sem hafa aldur til) eða gos/toppur í flösku og miðstærð af poppi
b.) Miðstærð af poppi og 500ml gos með stakri áfyllingu.
Athugið að óheimilt er að fara með ungabörn í lúxussalinn.

Smárabíó MAX – 333 sæti

Smárabíó Max er nýjasti salurinn okkar. Hann er sá fullkomnasti á landinu og þótt víðar væri leitað, því einungis fáein kvikmyndahús í heiminum bjóða upp á bæði Flagship 4K Laser myndgæði og Dolby Atmos hljómgæði. Salurinn var sérstaklega innréttaður til að auka þægindi og fótapláss og með þessari nýju mynd- og hljóðtækni er upplifunin í Smárabíó Max óviðjafnanleg. Í Smárabíó Max sérð þú bíómyndirnar við bestu aðstæður og nýtur lífsins í góðum félagsskap með Coca Cola, því engin bíóupplifun er algerlega fullkomin án þess að popp og kók komi við sögu.

Hjólastólastæði má finna í salnum líkt og í öðrum sölum Smárabíós.

Bar og setustofa í Smárabíói
Í Smárabíói er ný og glæsileg setustofa þar sem bíógestir geta látið fara vel um sig fyrir sýningu, fengið sér drykk og barsnarl áður en þeir fá sér sæti inni í sal. Setustofan er staðsett á frábærum stað við hliðina á Lúxus salnum, í miðju kvikmyndahúsinu.
Aðstaðan býður einnig upp á frábæra möguleika fyrir fjölbreytta hópa:
Pizza og drykkur fyrir sýningu
Fyrirtækjahópar
Samkoma fyrir sérsýningu
Leigja setustofuna undir stærri viðburð

Hægt er að panta tilboð fyrir stærri og smærri hópa, panta veitingar og sérsníða viðburð að þínum þörfum.

*MAX – 333 sæti

*S2 – 256 sæti

*Lúxus – 66 lúxussæti

*S4 – 195 sæti

*S5 – 133 sæti