Væntanlegt í bíó

Þegar stökkbreyttur og bráðsmitandi sveppur sleppur úr lokaðri aðstöðu verða tveir ungir starfsmenn – ásamt úrræðagóðum sérsveitarmanni – að lifa af villtustu næturvakt allra tíma til að bjarga mannkyninu frá útrýmingu.

Scarlet er miðaldaprinsessa sem berst með sverði. Hún er í hættulegri ferð til að hefna dauða föður síns og er söguhetjan í þessu magnaða, tímaflakksævintýri. Eftir að hafa mistekist í leiðangri sínum og slasast lífshættulega í súrrealískum heimi hittir hún fyrir hugsjónaríkan ungan mann úr nútímanum sem hjálpar henni ekki aðeins að ná heilsu heldur sýnir henni einnig möguleikann á framtíð lausri við biturð og reiði. Þegar hún stendur aftur frammi fyrir morðingja föður síns þarf Scarlet að heyja sína erfiðustu baráttu: Getur hún rofið vítahring hatursins og fundið tilgang í lífinu sem er meiri en hefnd?

Rúfus fellur ekki alveg í hópinn – í samfélagi sæslangna er hann sá eini sem getur ekki synt. En þegar hamfarir dynja yfir og leynieyjan þeirra þarfnast verndar verður Rúfus að horfast í augu við sinn dýpsta ótta og bjarga fjölskyldu sinni.

Feiminn maður hrífst með þegar dularfullur, ómótstæðilega myndarlegur mótorhjólamaður tekur hann að sér sem undirgefinn elskhuga sinn.

Ungur lögfræðingur glímir við geðröskun eftir nauðgun svo hún veit ekki hvort um sé að ræða ímyndun, gerandann sem aldrei fannst eða hvort hún sé ásótt af konu sem var myrt í íbúðinni hennar tveimur árum áður.

Fylgst er með rokkkónginum Elvis Presley og sýndar áður óséðar upptökur og myndefni.

Þegar nýr Ghostface-morðingi birtist í rólega bænum þar sem Sidney Prescott hefur skapað sér nýtt líf, verður versti ótti hennar að veruleika þegar dóttir hennar verður næsta fórnarlamb. Sidney er staðráðin í að vernda fjölskyldu sína og þarf að horfast í augu við hrylling fortíðar til að binda enda á blóðsúthellingarnar í eitt skipti fyrir öll.

Becket Redfellow, erfingi milljarða dala auðæfa, gerir allt sem hann getur til að fá það sem hann á skilið ... eða það sem honum finnst hann eiga skilið.

Hér er glæstum ferli fótboltamannsins Kenny Dalglish hjá tveimur sigursælustu félögum Bretlands, Liverpool FC og Celtic, gerð skil. Myndin sýnir hvernig hann varð einn af bestu leikmönnum Evrópu og táknmynd í borginni Liverpool, jafn mikið fyrir það sem hann gerði utan vallar og innan.

Upplifðu popphljómsveitina Twenty One Pilots á mikilvægum tímapunkti á ferlinum: á risatónleikum þeirra í Mexíkóborg þar sem þeir komu fram fyrir framan 65.000 aðdáendur á Estadio GNP Seguros leikvanginum í tónleikaferðalaginu The Clancy World Tour. Myndin blandar saman kraftmiklum tónleikaupptökum og persónulegu myndefni af undirbúningi þeirra baksviðs. Hún sýnir hlýju, húmor og mennsku listamannanna þar sem þeir búa sig undir einhverja stærstu tónleika ferilsins.

Julia og Tobias uppgötva að dóttir þeirra, Marielle, hefur skyndilega þróað með sér hugsanalestur og getur séð og heyrt allt sem þau gera. Þetta leiðir til aðstæðna sem eru allt frá vandræðalegum til fáránlegra þegar óþægilegur sannleikur kemur í ljós.

Á eynni Amrum vorið 1945 veiðir hinn tólf ára gamli Nanning seli, fiskar á nóttunni og vinnur á ökrunum til að hjálpa til við að sjá fjölskyldu sinni farborða. Þegar stríðinu lýkur sekkur móðir hans í þunglyndi og hann þarf að glíma við ný átök um leið og hann reynir að finna sína eigin leið í lífinu.

Sönn saga unglingsstúlkunnar Veru Brandes sem lagði allt í sölurnar til að halda sóló tónleika Keith Jarrett í Köln.

Í helgarferð út í sveit lendir Laura í bílslysi en lifir það af á undraverðan hátt. Hún er líkamlega ómeidd en djúpt skelfd og kona úr nágrenninu, sem varð vitni að slysinu, tekur hana að sér og annast af móðurlegri alúð. Þegar eiginmaður hennar og fullorðinn sonur hætta að veita veru Lauru mótspyrnu, þróa þau fjögur hægt og rólega með sér fjölskyldurútínu. En brátt geta þau ekki lengur litið fram hjá fortíð sinni...

Matthias gegnir óhefðbundnu starfi þar sem hægt er að leigja hann sem kærasta, vin eða son, og hann aðlagar persónuleika sinn að þörfum hvers viðskiptavinar. Þegar raunverulegt samband stendur á brauðfótum fer hann að efast um sjálfan sig.

Dýravinurinn Mabel notar snjalla nýja tækni sem er hönnuð til að „hoppa“ mannlegri meðvitund yfir í ótrúlega raunveruleg vélræn dýr til að eiga samskipti við bifra og afhjúpa leyndardóma dýraheimsins sem eru langt umfram allt sem hún hefði getað ímyndað sér.

Á fjórða áratug tuttugustu aldarinnar ferðast einmana Frankenstein til Chicago til að leita aðstoðar Dr. Euphroniusar við að skapa sér maka. Þeir endurlífga myrta unga konu og brúðurin verður til. Hún fer langt fram úr því sem þeir ætluðu sér og úr verður eldfim rómantík sem dregur að sér athygli lögreglunnar og ýtir af stað róttækri þjóðfélagshreyfingu.

Maður og sonur hans koma í reif-partí í fjöllum Marokkó. Þeir eru að leita að Marinu, dóttur sinni og systur, sem hvarf mánuðum áður í öðru reif-partíi. Þeir ákveða að slást í hóp með reifurum í leit að einu lokapartí, í von um að Marina verði þar.

Á sama tíma og hjónaband þeirra er að molna niður leitar Alex að nýjum tilgangi í uppistandssenunni í New York á meðan Tess horfist í augu við fórnirnar sem hún færði fyrir fjölskylduna. Þetta neyðir þau til að takast á við sameiginlegt foreldrahlutverk, sjálfsmynd og spurninguna um hvort ástin geti tekið á sig nýja mynd.

Kenna Rowan snýr aftur til heimabæjar síns eftir að hafa afplánað fimm ára fangelsisdóm fyrir hörmuleg mistök. Hún vonast til að endurnýja tengslin við unga dóttur sína, þótt allir séu staðráðnir í að halda þeim aðskildum. Aðeins einn maður á svæðinu hefur ekki útskúfað henni, og það er Ledger Ward, eigandi barsins á staðnum, sem verður mikilvægur hluti af lífi Kennu.

Hin ótrúlega sanna saga Ann Lee, stofnanda trúarreglunnar sem þekkt er sem Shakers.

Myndin fjallar um vinahóp sem svindlar sér inn í dularfullt verkefni þar sem þeir þurfa að ná í demant á Suðurskautið í gamla sovéska námu. Í fyrstu virðist verkefnið vera einfalt en fljótlega kemur í ljós að það er meira sem býr undir ísnum en einungis demanturinn.

Raungreinakennarinn Ryland Grace vaknar um borð í geimskipi ljósárum frá heimahögum sínum án þess að muna hver hann er eða hvernig hann komst þangað. Þegar minningarnar skila sér smám saman, fer hann að átta sig á verkefni sínu: að leysa gátu um dularfullt efni sem veldur því að sólin er að deyja út. Hann verður að nýta vísindalega þekkingu sína og óhefðbundnar hugmyndir til að bjarga öllu lífi á jörðinni frá útrýmingu... en óvænt vinátta þýðir að hann er kannski ekki einn á báti.

Hún breytti tónlistinni. Hann breytti kvikmyndunum. Saman munu þau endurskapa tónleikaupplifunina í þrívídd.

Heimildarmynd um tónlistarmanninn Bubba Morthens. Fylgst er með honum í eitt ár og við fáum einstaka innsýn í líf hans, sköpun og tónlist.

Kona svarar atvinnuauglýsingu þar sem óskað er eftir ráðskonu í dularfullt háhýsi í New York-borg. Hún gerir sér ekki grein fyrir því að hún er að ganga inn í samfélag þar sem fjöldi fólks hefur horfið í gegnum árin og sem gæti verið í klóm djöfladýrkenda.

Eftir að heimsfaraldur hefur geisað meðal mannkyns lifir maður einmanalegu lífi í flugskýli í Colorado ásamt hundi sínum og þunglyndislegum byssumanni sem hann hefur vingast við. Þegar dularfull útsending heyrist í talstöðinni á meðan hann flýgur gömlu Cessna-vélinni sinni hefst leit að uppruna hljóðsins.

Tónlistarmaðurinn Jeff Buckley var á mikilli siglingu og hafði aðeins gefið út eina plötu þegar hann lést sviplega árið 1997. Hér er dregin upp mynd af þessum heillandi söngvara með áður óséðu myndefni, einkaskilaboðum og frásögnum frá hans nánustu.

Ný kvikmynd byggð á heimi Super Mario Bros. tölvuleiksins sem víkkar heim Marios enn frekar með líflegri og skemmtilegri sögu. Söguþráður óákveðinn.

Sagt frá lífi rithöfundarins Franz Kafka í röð sjálfstæðra kafla: frá fæðingu hans í Prag í Tékklandi á 19. öld til síðustu ára hans í Berlín og dauða árið 1924, og ímyndaðri framtíð hans.

Afskekktur þýskur bóndabær geymir leyndarmál kynslóðanna. Fjórar konur á ólíkum aldri sem hafa sameinast vegna áfalla, afhjúpa sannleikann á bak við veðraða veggi hans.

Par stendur frammi fyrir krísu í aðdraganda brúðkaups síns þegar óvæntar uppljóstranir kollvarpa því sem annað þeirra taldi sig vita um hitt.

Þegar kona hreiðrar um sig í mannlausri ítalskri villu og þykist vera unnusta eigandans, uppgötvar hún óvænta rómantík sem gæti umbreytt lífi hennar.

Augnabliki eftir að hafa lifað af allsherjarárás frá Le Domas-fjölskyldunni kemst Grace að því að hún er komin á næsta stig í martraðarleiknum – og í þetta sinn með fráskilda systur sína, Faith, sér við hlið. Grace fær eitt tækifæri til að lifa af, halda systur sinni á lífi og ná völdum í hásæti ráðsins sem stjórnar heiminum. Fjórar fjölskyldur elta hana til að ná hásætinu og sá sem sigrar ræður öllu.

Eftir að varúlfakærasti hennar deyr óvænt í slysi þarf kona að finna leið til að ala upp son og dóttur sem hún átti með honum. Það reynist henni hins vegar þrautin þyngri þegar þau erfa eiginleika föður síns.

Ung dóttir blaðamanns hverfur sporlaust í eyðimörkinni – átta árum síðar er sundraðri fjölskyldunni brugðið þegar henni er skilað aftur. Það sem átti að verða gleðilegur endurfundur breytist í lifandi martröð.

Skömmu eftir komu Thompson-fjölskyldunnar í sveitina uppgötva börnin þrjú – Joe, Beth og Fran – töfratré og óvenjulega og sérvitra íbúa þess, þar á meðal Tungl-andlit, Silki, þvottakonu og Pottamann. Efst í trénu flytjast þau til stórbrotinna og ævintýralegra landa og í gegnum gleði og áskoranir ævintýranna læra Thompson-hjónin að tengjast aftur og meta hvert annað í fyrsta sinn í mörg ár.

Saga tónlistarmannsins bandaríska Michaels Jacksons, sem var flókin manneskja og fékk síðar viðurnefnið Konungur poppsins. Myndin mun fjalla um frægustu tónleika hans og gefa innsýn í listræna þróun og einkalíf.

Í kjölfar bankaráns afhjúpar Ulysses, sem gegnir embætti sýslumanns til bráðabirgða, glæpsamlegt samsæri í hjarta smábæjarsamfélagsins.

Miranda Priestly reynir að halda starfsferli sínum á floti á sama tíma og hefðbundin tímaritaútgáfa er í hnignun. Hún tekst á við Emily Charlton, fyrrverandi aðstoðarkonu sína, sem er nú háttsettur stjórnandi hjá lúxusvörufyrirtæki með auglýsingafé sem Priestly þarfnast sárlega.

Fjárhirðirinn George les sakamálasögur fyrir ástkærar kindur sínar á hverju kvöldi og ímyndar sér að þær skilji það sem hann segir. En þegar dularfullt atvik raskar lífinu á bænum gera kindurnar sér grein fyrir því að þær verða að gerast rannsóknarlögreglumenn. Þær fylgja vísbendingunum og rannsaka grunaða menn og sanna að jafnvel kindur geta verið snjallar að leysa flóknar gátur.

Vinsælustu keppendurnir – nú ásamt Johnny Cage sjálfum – keppa nú hver gegn öðrum í blóðugri lokabaráttu til að sigra hina myrku stjórn Shao Kahns sem ógnar sjálfri tilverunni á Jörðu og þeim sem vernda hana.

Hið illa keisaraveldi er fallið og stríðsherrar þess eru á víð og dreif um vetrarbrautina. Nýja lýðveldið er nýgræðingur sem vinnur að því að vernda allt sem uppreisnin barðist fyrir og hefur fengið til liðs við sig hinn goðsagnakennda mandalóríska hausaveiðara Din Djarin og ungan lærling hans, Grogu.

Líf hæfileikaríks píanóstillingarmanns umturnast þegar hann kemst að því að nákvæmni hans við að stilla píanó nýtist jafn vel við að brjótast inn í peningaskápa.

Nokkrum vikum eftir að ungt par hefur ævintýralegt húsbílalíf sitt verður það vitni að hræðilegu slysi þar sem ökumaðurinn lætur lífið. Fljótlega eru þau ofsótt af djöfullegum eltihrelli sem ómögulegt er að sleppa undan og fylgir þeim hvert sem þau fara.

Ef þú kæmist að því að við værum ekki ein, ef einhver sýndi þér það, sannaði það fyrir þér, myndi það hræða þig?

Söguþráður enn á huldu.

Verkefni Bósa, Vidda, Jessie og hinna í genginu verða margfalt erfiðari þegar leiktímanum er ógnað með tækninni.

Upplífgandi saga með tónlist um brúðkaupssöngvara, rokkstjörnu og lagið sem kemur upp á milli þeirra.

Þegar Kara Zor-El fagnar 21 árs afmælinu sínu ferðast hún um alheiminn með hundinum sínum Krypto. Á ferðalaginu hittir hún ungu stúlkuna Ruthye Marye Knoll og leggur upp í „blóðuga leit að hefnd“.

Söguþráður enn á huldu.

Í miðjum hamfarafellibyl berst strandbær við náttúruöflin og árás hákarla.

Þegar hræðileg bölvun sem hálfguðinn Maui olli berst til eyju þorpshöfðingja í Pólýnesíu til forna svarar einþykk dóttir hans kalli hafsins og leggur af stað til að finna hálfguðinn og koma öllu í lag aftur.

Ódysseifur, hinn goðsagnakenndi gríski konungur Íþöku, leggur í langa og hættulega heimferð að Trójustríðinu loknu. Sagt er frá viðureignum hans við goðsagnaverur á borð við kýklópann Pólýfemos, sírenurnar og seiðgyðjuna Kirku.

Tvö auðug systkini missa skyndilega fjárhagslegan stuðning foreldra sinna og neyðast nú í fyrsta sinn til að spreyta sig á fullorðinslífinu upp á eigin spýtur.

Peter Parker reynir að einbeita sér að háskólanámi og leggja Köngulóarmanninn á hilluna. En þegar ný ógn steðjar að vinum hans verður hann að svíkja loforð sitt og klæða sig aftur í búninginn og taka höndum saman með óvæntum bandamanni til að vernda þá sem hann elskar.

Hvolpasveitin lendir á dularfullri risaeðlueyju eftir storm og hitta Rex, hvolp sem er þar fastur. Þegar glæfraleg námuvinnsla Humdingers kemur af stað eldgosi stendur sveitin frammi fyrir sinni stærstu björgunaraðgerð til þessa - að bjarga eyjunni.

Í helgarferð með syni milljarðamærings verða þaulvanur fjallgöngumaður, Ray Cooper, og dóttir hans, Sydney, fyrir árás mannræningja. Hin dóttir Cooper, Naomi, sem er enn að jafna sig andlega af klifurslysi í fortíðinni, verður vitni að árásinni og sleppur. Til að bjarga fjölskyldu sinni verður hún að horfast í augu við óttann og berjast fyrir lífi sínu.

Elinor og Marianne Dashwood verða að yfirgefa setur sitt í Sussex og flytja inn til fjarskylds ættingja, þar sem þær glíma við ástar- og fjárhagsvandræði.

Eftir að hafa lifað lífi glæpa og morða glímir Hrói höttur við fortíð sína. Hann slasast alvarlega í bardaga sem hann taldi verða sinn síðasta. Í höndum dularfullrar konu fær hann tækifæri til að öðlast sáluhjálp.

Valdamesti maður í heimi leggur upp í örvæntingarfullan leiðangur til að sanna að hann sé frelsari mannkyns áður en hörmungarnar sem hann leysti úr læðingi eyðileggja allt.

Bardagamennirnir Ryu og Ken sameinast á ný þegar Chun-Li fær þá til liðs við sig fyrir World Warrior-mótið. Þegar þeir standa frammi fyrir leyndu samsæri verða þeir að takast á við hvorn annan og fortíð sína – eða horfast í augu við tortímingu.

Kötturinn með höttinn gerir það sem hann gerir best og dreifir gleði til barna á sinn fáránlega, einkennandi og einstaklega ósvífna hátt. Hann flytur þau og áhorfendur í ævintýralega ferð um nýjan heim. Hetjan okkar tekst hér á við sitt erfiðasta verkefni til þessa fyrir S.S.Í.I. (Stofnun fyrir Stöðu Ímyndunarafls og Innblásturs ehf.) til að gleðja Gabby og Sebastian, systkini sem eru nýflutt í bæinn. Kötturinn er þekktur fyrir að ganga of langt og þetta gæti því verið síðasta tækifæri þessa "óreiðuframleiðanda" til að sanna sig... eða missa töfrahattinn sinn!

Myndin gerist 24 árum fyrir atburði fyrstu Hungurleikamyndarinnar, og hefst morguninn fyrir fimmtugustu hungurleikana. Meðal keppenda er Haymitch Abernathy þegar hann var ungur maður.

Vandræðalegur unglingsstrákur og metnaðarfull móðir hans komast að því að það sem gerir hann óvenjulegan gætu verið töfrakraftar sem eiga eftir að umturna lífi þeirra beggja og opna leynilegan töfraheim.

The Avengers, Wakandans, Fantastic Four, Thunderbolts, og X-Men berjast við Doctor Doom. Söguþráður enn á huldu.

Söguþráður enn á huldu.

Söguþráður enn á huldu.

Steve og Alex fara enn dýpra inn í Overworld og uppgötva þar ný landsvæði og standa frammi fyrir ferskum áskorunum.