Væntanlegt í bíó

Leikarinn upprennandi, Edward, gengst undir róttækar læknisaðgerðir til að breyta útliti sínu. En nýja draumaandlitið breytist fljótt í martröð, og hann missir af hlutverkum sem hann var fæddur til að leika. Hann verður gagntekinn af því að enduheimta það sem hann missti.

Kyrah og Isaac voru eitt sinn leiðtogar alþjóðlegu sérsveitarinnar Shadow Force en urðu ástfangin þvert á reglur. Þau fara í felur til að vernda son sinn fyrir öðrum meðlimum Shadow Force sem eru á hælum þeirra og vilja drepa þau.

Áhorfendum er hér boðið í magnað ferðalag þar sem David Attenborough sýnir okkur fram á að ekkert er eins mikilvægt fyrir framtíð Jarðarinnar og hafið, sem er fullt af lífi og undrum.

Unglingstúlka fær endurteknar martraðir um hrun á turni á sjöunda áratugnum. Hún uppgötvar að martraðirnar eru fyrirboði sem hún erfði frá ömmu sinni. Amman spáði fyrir um fall byggingarinnar og bjargaði lífi marga manna. Áratugum síðar byrjar stúlkan að sjá sýnir af fjölskyldumeðlimum deyja. Hún áttar sig á að þarna eru tengsl á milli og hún þarf að hindra Dauðann í að endurheimta blóðlínu ættar hennar.

Við fylgjum hinum áhyggjulausa unglingi Totone, sem eyðir dögum sínum í dans og drykkju. Þegar hann þarf skyndilega að sjá fyrir sjö ára systur sinni, neyðist hann til að taka ábyrgð. Í leit að tekjum beinir hann allri orku sinni í að framleiða úrvals comté-ost með það að markmiði að vinna til peningaverðlauna í ostasamkeppni.

Einmana Hawaii stelpa kynnist geimveru á flótta, sem hjálpar henni í fjölskyldumálum.

Daniel kemur til Beijing þar sem Hr. Han bíður hans. Han er kominn með nýjan skjólstæðing, Li Fong. Kennararnir tveir taka höndum saman til að leiðbeina Li Fong en svo er að sjá hvort aðferðir þeirra passi saman og skili árangri.

Í tilefni af 40 ára brúðkaupsafmælinu sínu fara Gerda og Kristoffer til Rómar á Ítalíu, þar sem Gerda var eitt sinn upprennandi listanemi. En þegar hún rekst á fyrrverandi kennara sinn og elskhuga, Johannes, breytist allt og Gerda er minnt á lífið sem hún eitt sinn átti.

Myrk saga um njósnir sem tengjast feðginum í fjölskyldufyrirtæki, svikum og siðferðislega erfiðum valkostum.

Ungur kvenkyns leigumorðingi leitar hefnda gegn fólkinu sem drap fjölskyldu hennar. Myndin gerist á sama tíma og atburðirnir í John Wick: Chapter 3 - Parabellum.

Lissabon árið 2027. Vísindamennirnir Marta og Miquel eru par og tilheyra sama rannsóknarhóp, en samband þeirra fær heljarinnar prófraun þegar mögulegur jarðskjálfti ógnar borginni.

Hér segir af frjóum og umbreytandi 18 mánuðum sem eitt frægasta par tónlistarinnar - John Lennon og Yoko Ono eyddu í Greenwich Village, í New York borg snemma á áttunda áratug síðustu aldar.

Ungur víkingur, sem býr á eynni Berk þar sem víkingar og drekar hafa löngum eldað grátt silfur, vill verða drekaveiðimaður og vingast óvænt við ungan dreka, Tannlausa. Vinátta þeirra sýnir hið sanna eðli dreka og á eftir að hrista upp í víkingasamfélaginu.

Við fylgjumst með ungu pari í litlu þorpi í Mósambík sem þráir betra líf þar sem gullnámur í norðri gefa fögur fyrirheit um tekjuöflun.

Störf hjónabandsmiðlara flækjast töluvert þegar hún dettur inn í eitraðan ástarþríhyrning sem ógnar viðskiptavinum hennar.

Elio á erfitt með að falla inn í hópinn þar til hann er numinn brott af geimverum og er valinn til að vera sendiherra Jarðar í alheiminum, á sama tíma og Olga móðir hans vinnur í háleynilegu verkefni við að afkóða skilaboð frá geimverum.

Eftir andlát ömmu sinnar, 92 ára, sem hún var alls ekki búin undir, vildi heimildamyndagerðarkonan Catarina Ruivo bjarga henni og nota mátt kvikmyndagerðarinnar til að blása lífi í tilveru hennar á nýjan leik.

Sonny Hayes sem fékk viðurnefnið "sá besti sem aldrei varð" var efnilegasti ökuþór í formúlu 1 á níunda áratug tuttugustu aldarinnar þar til hann lenti í skelfilegum árekstri. Þrjátíu árum síðar býður hann hverjum sem vill þjónustu sína sem ökuþór og flakkar um. Fyrrum liðsfélagi hans Ruben Cervantes, sem á F1 lið sem er að hruni komið, hefur þá samband og sannfærir Sonny um að koma aftur í formúlu 1 í eitt síðasta skipti, og ná á toppinn. Hann ekur með Joshua Pearce, heitasta nýliða liðsins, og kemst að því að innan liðsins er að finna hörðustu samkeppnina - og leiðin til endurlausnar er ekki eitthvað sem þú fetar einn og óstuddur.

Tveimur árum eftir æðiskast M3GAN grípur skapari hennar, Gemma, til þess ráðs að vekja hana aftur til lífsins til að ráða niðurlögum Ameliu, hernaðartólsins sem vopnaframleiðandi bjó til úr M3GAN tækninni.

Árið 1972 leiddu Maria Isabel Barreno, Maria Teresa Horta og Maria Velho da Costa saman hesta sína og gáfu út bókina Ný portúgölsk bréf. Um er að ræða bók sem sem lýsir hinum óvenjulegu „Þremur Maríum“ — röddum sem umbreyttu þögn í byltingu.

Erfiðasta verkefni leyniþjónustukonunnar Sam til þessa hefur verið að gera vinkonu sína og tilvonandi brúður ánægða. Þegar hópur málaliða ræðst inn í brúðkaupsveisluna og tekur gestina sem gísla, lendir Sam í verkefni lífs síns. Nú þarf hún að reyna að leyna því hver hún er í raun og veru og bjarga brúðkaupi vinkonunnar.

Myndin gerist fimm árum eftir atburðina í Jurassic World Dominion. Sérfræðingurinn Zora Bennett er fengin til að leiða teymi í háleynilegri sendiför til að ná í erfðaefni úr þremur stærstu risaeðlum sögunnar. Þegar ferðin skarast á við borgaralega fjölskyldu sem hefur lent í bátaslysi, eru þau öll strand á eyju þar sem þau þurfa að horfast í augu við ískyggilega uppgötvun sem hefur verið hulin umheiminum í áratugi.

Líf Teos, sem ættleiddur er af fjölbragðaglímu-kengúrufjölskyldu, breytist þegar hann sér sýnir sem leiða hann í átt að uppruna sínum. Hann leggur af stað í sögulegt ferðalag til að bjarga heimalandi sínu frá eyðileggingu.

Superman reynir að samræma kryptonska arfleifð sína og uppvöxt á Jörðu sem Clark Kent. Hann er holdtekja sannleikans, réttlætisins og bandarískra gilda í heimi sem lítur á þetta allt saman sem gamaldags viðhorf.

Þegar galdramennirnir illu Razamel og Gargamel ræna Æðstastrumpi fara Strympa og hinir strumparnir í björgunarleiðangur í raunheima.

Hópur unglinga úr forréttindastétt, ásamt einum öðrum félaga þeirra, verður valdur að dauða manneskju og þau reyna að hylma yfir málið. Ári síðar er ráðist á þau og þau drepin hvert á fætur öðru af aðila sem veit hvað þau gerðu sumarið áður.

Myndin gerist í framtíðarlegum heimi sjöunda áratugar síðustu aldar. Hin fjögur fræknu þurfa að standa saman og styrkja fjölskyldutengslin til að verja Jörðina fyrir geimguðinum Galactusi og hinum dularfulla sendiboða hans, Silver Surfer.

Tvö systkini uppgötva hræðilega helgisiði á afskekktu heimili nýrrar fósturmóður sinnar.

Þegar par flytur út í sveit hrinda þau af stað yfirnáttúrulegu fyrirbæri sem breytir sambandi þeirra, tilveru og líkamsburðum.

Aðeins einn maður býr yfir hinum einstöku hæfileikum ... að leiða sveit lögreglunnar og bjarga heiminum: Liðsforinginn Frank Drebin Jr.

Vondu strákarnir The Bad Guys, sem núna eru orðnir góðir, rembast eins og rjúpan við staurinn við að vera góðir, en í staðinn fær hópur kvenkyns þorpara þá með sér í að fremja eitt risastórt lokarán.

Úthverfapabbinn Hutch Mansell, sem er fyrrum leigumorðingi, dregst enn og aftur inn í ofbeldisfulla fortíð sína eftir innbrot á heimilið. Það setur af stað keðjuverkun sem leiðir í ljós leyndarmál um fortíð eiginkonu hans Beccu og hans eigin.

Í litlu þorpi á eyjunni Carpathia er feimna sveitastúlkan Yuri alin upp í ótta við skógarveruna ochi. En þegar Yuri finnur slasað ochi barn sem skilið hefur verið eftir fer hún af stað í leit að Ochi til að sameina hana og barnið.

Músina ungu Eddu, dóttur kappakstursvallarstjórans Erwin, dreymir um að verða ökuþór. Hún fær tækifæri til að hitta átrúnaðargoð sitt Ed á undan 50 ára afmæli Evrópska Grand Prix kappakstursins, og getur hjálpað föður sínum að laga rekstur vallarins. En til að gera það þarf hún að setjast sjálf undir stýri.

Hank Thompson, útbrunninn fyrrum hafnboltaleikmaður, lendir óvænt í að þurfa að berjast fyrir lífi sínu í undirheimum New York borgar á tíunda áratug síðustu aldar.

Ivy og Theo eru hið fullkomna par. Þau eru í frábærri vinnu, eiga dásamleg börn og lifa öfundsverðu kynlífi. En undir fallegu yfirborðinu er ólga, gremja og samkeppni, og allt fer í háaloft þegar draumar Theo hrynja til grunna.

Skelfing grípur um sig þegar efnilegum ungum ruðningsleikmanni er boðið að æfa á afskekktu æfingasvæði.

David fer í brúðkaup í gamla bílnum sínum. Þar hittir hann Sarah og saman fara þau í ferðalag sem GPS leiðsögukerfi bifreiðarinnar stingur upp á. Á leiðinni ræða þau fortíðina og skoða landslagið, og tengjast dýpri böndum. Þegar þau horfa fram á veginn og inn í framtíðina standa þau frammi fyrir erfiðri ákvörðun um sambandið.

Þegar illur erkióvinur birtist á ný eftir sextán ára bið, þarf hópur fyrrum uppreisnarmanna að koma saman til að bjarga dóttur eins úr hópnum.

Mark Kerr, sem keppir í blönduðum bardagalistum, MMA, glímir við ópíóðafíkn, á sama tíma og hann rís til metorða í íþróttinni.

Hið háþróaða forrit Ares er sent úr stafræna heiminum og inn í raunheima í hættulegt verkefni. Þar með hefst fyrsti bardagi mannkyns við gervigreindarverur.

Daglegt líf hjúkrunarfræðingsins Prabha, sem býr í Mumbai á Indlandi, fer úr skorðum þegar hún fær óvænta gjöf frá fyrrum eiginmanni sínum. Yngri herbergisfélagi hennar, Anu, reynir að finna stað í borginni þar sem hún getur verið ein með kærastanum. Ferð í strandbæ gerir þeim kleift að finna næði fyrir þrár sínar og drauma.

Framhald Mortal Kombat frá 2021.

Denji verður keðjusagarmaðurinn, drengur með djöflahjarta, sem er nú hluti af 4. skrattaveiðisérsveitinni. Eftir stefnumót með Makima, draumadísinni, leitar Denji skjóls undan rigningunni á kaffihúsi. Þar hittir hann gengilbeinuna Reze.

Ung geimvera, sem hefur orðið viðskila við hópinn sinn, finnur ólíklegan félaga í leit sinni að valdamiklum óvini.

Fyrrum hermaður finnur gull í óbyggðum Lapplands. Hann reynir að flytja fjársjóðinn til byggða, en hittir á leiðinni miskunnarlausan SS foringja og þýska hermenn.

Það eru næstum þrír áratugir liðnir síðan veiran slapp úr efnavopnarannsóknarstofu, og núna, í hámarks öryggiseinangrun, hafa nokkrar náð að lifa af í þeim smituðu. Einn slíkur hópur eftirlifenda býr á lítilli eyju sem tengist meginlandinu með upphækkuðum vegi. Þegar einn úr hópnum fer af eynni yfir á meginlandið kemst hann að leyndarmálum, undrum, og hryllingi sem hefur stökkbreytt ekki bara þeim sýktu heldur öðrum eftirlifendum líka.

Söguþráður enn á huldu.

Söguþráður enn á huldu.