Væntanlegt í bíó

Socorro er lögfræðingur með þráhyggju fyrir því að finna hermanninn sem myrti bróður hennar í Tlatelolco-fjöldamorðunum árið 1968. Þegar hún fær afgerandi vísbendingu um hvar hermaðurinn er niðurkominn, fimmtíu árum eftir dauða bróður síns, leggur Socorro af stað í ósvífna hefndarför.

Jólin 2025 byrja í Smárabíói með jóla-stórtónleikum André Rieu! Upplifðu yndisleg jólalög, fallega valsa og fullt af óvæntum uppákomum – þetta er fullkominn jóla-bíóviðburður! Með sinni frábæru hljómsveit, Johann Strauss, og sérstökum gestum, þar á meðal hinni stórkostlegu Emmu Kok og yfir 400 blásturshljóðfærum sem færa ykkur stórkostlegan hljóm jólanna. Tónleikar André eru fullir af hlýju, hlátri og jólagleði. Jólin eru uppáhaldstími André á árinu – og hann getur ekki beðið eftir að deila þessum stórkostlegu tónleikum með þér, aðeins í Smárabíó!

Hin unga Gerda heldur af stað út í óvissuna í leit að Kai vini sínum sem hvarf á dularfullan hátt. Myndin er byggð á ævintýri H.C. Andersen um Snædrottninguna.

Átta ára gömul stúlka biður dularfullan nágranna sinn um hjálp við að drepa skrímslið undir rúminu sínu sem hún heldur að hafi étið fjölskyldu sína.

Grace, rithöfundur og ung móðir, er smám saman að missa vitið. Hún er innilokuð í gömlu húsi í Montana og sífellt æstari og óútreiknanlegri hegðun hennar veldur Jackson, félaga hennar, áhyggjum og vanmætti.

Í framhaldslífi þar sem sálir hafa aðeins eina viku til að ákveða hvar þær vilja eyða eilífðinni stendur Joan frammi fyrir ómögulegu vali milli mannsins sem hún eyddi ævinni með og fyrstu ástarinnar sinnar, sem lést ungur og hefur beðið hennar í áratugi.

Á tónleikum Óskarsverðlaunahafans Hans Zimmer í Kraká fáum við að upplifa allt svið verka hans. Hér er Zimmer sjálfur á sviðinu aðeins eitt kvöld í tónleikaferðalaginu, sem nýlega vann Opus Klassik verðlaunin sem „Tónleikaferð ársins“. Nýjar útsetningar á meistaraverkum hans úr Dune: Part Two, The Lion King, Gladiator, Interstellar og mörgum öðrum vinsælum kvikmyndum eru settar í kraftmikið og einstaklega sjónrænt umhverfi. Hljómsveitarstjórinn Gavin Greenaway, listrænn samstarfsaðili Zimmer í áraraðir, túlkar verkin af heillandi tilfinningadýpt, ásamt hljómsveitinni Odessa Orchestra

Í kjölfar hræðilegs stríðs gegn RDA og missis elsta sonar síns standa Jake Sully og Neytiri frammi fyrir nýrri ógn á Pandóru: Öskufólkinu, ofbeldisfullum og valdagráðugum Na'vi ættbálki undir forystu hins miskunnarlausu Varang. Fjölskylda Jake verður að berjast fyrir lífi sínu og framtíð Pandóru í átökum sem ýta þeim að tilfinningalegum og líkamlegum þolmörkum.

Svampur Sveinsson fer niður á hafsbotn og berst þar við draug Hollendingsins fljúgandi.

Vinahópur í miðaldrakreppu fer út í regnskóg til að endurgera uppáhaldsmyndina sína frá æskuárunum, en lendir í baráttu upp á líf og dauða gegn náttúruhamförum, risaslöngum og ofbeldisfullum glæpamönnum.

Millie er í miklu basli og verður því mjög ánægð þegar hún fær vinnu sem heimilishjálp hjá auðugu efristéttarhjónunum Ninu og Andrew. Hún kemst þó fljótt að því að fjölskylduleyndarmálin eru mun hættulegri en þau sem hún sjálf burðast með.

Ungur metnaðarfullur stjórnmálamaður glímir við fjölskyldumál og krefjandi verkefni á meðan hann býr sig undir að taka við starfi lærimeistara síns, ríkisstjóra fylkisins sem hefur setið lengi í embætti.

Maður kaupir sér vélmenni með gervigreind til að sætta sig við andlát eiginkonu sinnar. Hann vonast til að vélmennið muni reynast góður sálufélagi en allt fer á annan veg þegar það grípur til ofbeldis og morða.

Sagt frá lífi rithöfundarins Franz Kafka í röð sjálfstæðra kafla: frá fæðingu hans í Prag í Tékklandi á 19. öld til síðustu ára hans í Berlín og dauða árið 1924, og ímyndaðri framtíð hans.

Eftir að hafa fundið öruggt skjól í neðanjarðarbyrgi á Grænlandi í kjölfar þess að halastjarnan Clarke eyðilagði jörðina, verður Garrity fjölskyldan nú að leggja allt í sölurnar og halda í hættulega ferð yfir eyðilendur Evrópu til að finna nýtt heimili.

Vinahópur þarf að búast til varnar í sundlaugapartíi þegar gæludýrasimpansi gestgjafanna fær hundaæði og gerist illvígur.

Tveir tónlistarmenn stofna Neil Diamond-heiðurssveit til að fylgja eftir draumum sínum og sanna að það er aldrei of seint að finna ástina.

Sendiboði á hjóli vaknar úr dásvefni og kemst að því að uppvakningar hafa tekið alla stjórn á heiminum eftir að vírus breiðist úr. Önnur myndin í þríleik.

Einmana bandarískur leikari í Tókíó í Japan fær vinnu hjá japanskri "leigufjölskyldu" við að leika ýmis hlutverk í lífi annars fólks. Á vegferðinni uppgötvar hann óvænta ánægju og lífsgleði.

Marianne er ríkasta kona í heimi. Pierre-Alain er vel tilhafður rithöfundur og ljósmyndari í París. Þau hittast í myndatöku og verða óaðskiljanleg. Ástríkur vinskapur þeirra kemur á óvart, skemmtir, vekur forvitni, fær fólk til að tala og veldur að lokum óróa í hópi auðkýfingsins og fjölskyldu hennar. Dóttir Marianne á sérstaklega erfitt með skyndileg kynni móður sinnar og unga mannsins sem reynist vera óseðjandi þegar kemur að peningum.

Í náinni framtíð er rannsóknarlögreglumaður ákærður fyrir morðið á eiginkonu sinni. Hann hefur 90 mínútur til að sanna sakleysi sitt fyrir háþróuðum gervigreindardómara sem hann barðist eitt sinn fyrir - áður en dómarinn ákveður örlög hans.

Marty Mauser, ungur maður með draum sem enginn trúir á, fer til helvítis og til baka í leit að mikilfengleika.

Agnes Shakespeare – eiginkona frægasta rithöfundar sögunnar - reynir að sætta sig við sáran missi þegar eini sonur hennar, Hamnet, deyr.

Eftir að flugvél brotlendir og skilur kvenkyns starfsmann og pirrandi yfirmann hennar eftir á afskekktri eyju, verður hún að nota alla sína hæfileika til að halda þeim báðum á lífi, þrátt fyrir erfitt samband þeirra á milli.

Tveir ungir tónlistarnemar, Lionel og David, sem stunda nám við Boston-tónlistarháskólann árið 1917, mynda tengsl vegna sameiginlegs áhuga þeirra á þjóðlagatónlist. Þeir hittast aftur nokkrum árum síðar og leggja upp í ferðalag til að safna lögum í afskekktum sveitum Maine.

Þegar stökkbreyttur og bráðsmitandi sveppur sleppur úr lokaðri aðstöðu verða tveir ungir starfsmenn – ásamt úrræðagóðum sérsveitarmanni – að lifa af villtustu næturvakt allra tíma til að bjarga mannkyninu frá útrýmingu.

Í Þýskalandi eftir stríð þarf bandarískur geðlæknir að meta hvort nasistafangar séu hæfir til að fara fyrir rétt vegna stríðsglæpa. Hann lendir í flókinni glímu, vitsmuna- og siðferðislegri, við Hermann Göring, hægri hönd Hitlers.

Mason er einrænn maður sem býr á afskekktum stað við sjóinn. Þegar hann ákveður að bjarga ungri stúlku frá drukknun í hræðilegum stormi hleypir hann óafvitandi af stað atburðarás sem leiðir fljótlega til ofbeldis og neyðir hann til að horfast í augu við ákvarðanir úr fortíðinni.

Will, lítill geithafur með stóra drauma, fær einstakt tækifæri til að ganga til liðs við atvinnumennina og spila körfubolta með hröðustu og grimmustu dýrum í heimi. Nýju liðsfélagar Will eru ekki hrifnir af því að hafa lítinn geithafur í liðinu, en Will er ákveðinn í að bylta íþróttinni og sanna að margur er knár þótt hann sé smár.

Ástríðufull og stormasöm ástarsaga sem gerist á Yorkshire-móunum og fjalla um hið eldheita og skaðlega ástarsamband Heathcliffs og Catherine Earnshaw.

Þegar þjófur sem fremur áhættusöm rán meðfram hinni þekktu 101-hraðbraut í Los Angeles sér fram mesta ránsfeng lífs síns, í von um að það verði hans síðasta verk, liggja leiðir hans og tryggingamiðlara á krossgötum saman. Vægðarlaus rannsóknarlögreglumaður kemst á sporið og spennan eykst. Þegar ránið upp á margar milljónir dollara er að raungerast, máist línan milli veiðimanns og bráðar út og þau þrjú neyðast til að horfast í augu við afleiðingar ákvarðana sinna – og þeirrar staðreyndar að það er engin leið til baka.

Á sama tíma og hjónaband þeirra er að molna niður leitar Alex að nýjum tilgangi í uppistandssenunni í New York á meðan Tess horfist í augu við fórnirnar sem hún færði fyrir fjölskylduna. Þetta neyðir þau til að takast á við sameiginlegt foreldrahlutverk, sjálfsmynd og spurninguna um hvort ástin geti tekið á sig nýja mynd.

Scarlet er miðaldaprinsessa sem berst með sverði. Hún er í hættulegri ferð til að hefna dauða föður síns og er söguhetjan í þessu magnaða, tímaflakksævintýri. Eftir að hafa mistekist í leiðangri sínum og slasast lífshættulega í súrrealískum heimi hittir hún fyrir hugsjónaríkan ungan mann úr nútímanum sem hjálpar henni ekki aðeins að ná heilsu heldur sýnir henni einnig möguleikann á framtíð lausri við biturð og reiði. Þegar hún stendur aftur frammi fyrir morðingja föður síns þarf Scarlet að heyja sína erfiðustu baráttu: Getur hún rofið vítahring hatursins og fundið tilgang í lífinu sem er meiri en hefnd?

Rúfus fellur ekki alveg í hópinn – í samfélagi sæslangna er hann sá eini sem getur ekki synt. En þegar hamfarir dynja yfir og leynieyjan þeirra þarfnast verndar verður Rúfus að horfast í augu við sinn dýpsta ótta og bjarga fjölskyldu sinni.

Feiminn maður hrífst með þegar dularfullur, ómótstæðilega myndarlegur mótorhjólamaður tekur hann að sér sem undirgefinn elskhuga sinn.

Becket Redfellow, erfingi milljarða dala auðæfa, gerir allt sem hann getur til að fá það sem hann á skilið ... eða það sem honum finnst hann eiga skilið.

Kötturinn með höttinn gerir það sem hann gerir best og dreifir gleði til barna á sinn fáránlega, einkennandi og einstaklega ósvífna hátt. Hann flytur þau og áhorfendur í ævintýralega ferð um nýjan heim. Hetjan okkar tekst hér á við sitt erfiðasta verkefni til þessa fyrir S.S.Í.I. (Stofnun fyrir Stöðu Ímyndunarafls og Innblásturs ehf.) til að gleðja Gabby og Sebastian, systkini sem eru nýflutt í bæinn. Kötturinn er þekktur fyrir að ganga of langt og þetta gæti því verið síðasta tækifæri þessa "óreiðuframleiðanda" til að sanna sig... eða missa töfrahattinn sinn!

Sjöunda Scream hrollvekjan. Söguþráður enn á huldu.

Dýravinurinn Mabel notar snjalla nýja tækni sem er hönnuð til að „hoppa“ mannlegri meðvitund yfir í ótrúlega raunveruleg vélræn dýr til að eiga samskipti við bifra og afhjúpa leyndardóma dýraheimsins sem eru langt umfram allt sem hún hefði getað ímyndað sér.

Á fjórða áratug tuttugustu aldarinnar ferðast einmana Frankenstein til Chicago til að leita aðstoðar Dr. Euphroniusar við að skapa sér maka. Þeir endurlífga myrta unga konu og brúðurin verður til. Hún fer langt fram úr því sem þeir ætluðu sér og úr verður eldfim rómantík sem dregur að sér athygli lögreglunnar og ýtir af stað róttækri þjóðfélagshreyfingu.

Kenna Rowan snýr aftur til heimabæjar síns eftir að hafa afplánað fimm ára fangelsisdóm fyrir hörmuleg mistök. Hún vonast til að endurnýja tengslin við unga dóttur sína, þótt allir séu staðráðnir í að halda þeim aðskildum. Aðeins einn maður á svæðinu hefur ekki útskúfað henni, og það er Ledger Ward, eigandi barsins á staðnum, sem verður mikilvægur hluti af lífi Kennu.

Hin ótrúlega sanna saga Ann Lee, stofnanda trúarreglunnar sem þekkt er sem Shakers.

Raungreinakennarinn Ryland Grace vaknar um borð í geimskipi ljósárum frá heimahögum sínum án þess að muna hver hann er eða hvernig hann komst þangað. Þegar minningarnar skila sér smám saman, fer hann að átta sig á verkefni sínu: að leysa gátu um dularfullt efni sem veldur því að sólin er að deyja út. Hann verður að nýta vísindalega þekkingu sína og óhefðbundnar hugmyndir til að bjarga öllu lífi á jörðinni frá útrýmingu... en óvænt vinátta þýðir að hann er kannski ekki einn á báti.

Eftir að heimsfaraldur hefur geisað meðal mannkyns lifir maður einmanalegu lífi í flugskýli í Colorado ásamt hundi sínum og þunglyndislegum byssumanni sem hann hefur vingast við. Þegar dularfull útsending heyrist í talstöðinni á meðan hann flýgur gömlu Cessna-vélinni sinni hefst leit að uppruna hljóðsins.

Kona svarar atvinnuauglýsingu þar sem óskað er eftir ráðskonu í dularfullt háhýsi í New York-borg. Hún gerir sér ekki grein fyrir því að hún er að ganga inn í samfélag þar sem fjöldi fólks hefur horfið í gegnum árin og sem gæti verið í klóm djöfladýrkenda.

Söguþráður enn á huldu.

Par stendur frammi fyrir krísu í aðdraganda brúðkaups síns þegar óvæntar uppljóstranir kollvarpa því sem annað þeirra taldi sig vita um hitt.

Saga tónlistarmannsins bandaríska Michaels Jacksons, sem var flókin manneskja og fékk síðar viðurnefnið Konungur poppsins. Myndin mun fjalla um frægustu tónleika hans og gefa innsýn í listræna þróun og einkalíf.

Í kjölfar bankaráns afhjúpar Ulysses, sem gegnir embætti sýslumanns til bráðabirgða, glæpsamlegt samsæri í hjarta smábæjarsamfélagsins.

Miranda Priestly reynir að halda starfsferli sínum á floti á sama tíma og hefðbundin tímaritaútgáfa er í hnignun. Hún tekst á við Emily Charlton, fyrrverandi aðstoðarkonu sína, sem er nú háttsettur stjórnandi hjá lúxusvörufyrirtæki með auglýsingafé sem Priestly þarfnast sárlega.

Vinsælustu keppendurnir – nú ásamt Johnny Cage sjálfum – keppa nú hver gegn öðrum í blóðugri lokabaráttu til að sigra hina myrku stjórn Shao Kahns sem ógnar sjálfri tilverunni á Jörðu og þeim sem vernda hana.

Hið illa keisaraveldi er fallið og stríðsherrar þess eru á víð og dreif um vetrarbrautina. Nýja lýðveldið er nýgræðingur sem vinnur að því að vernda allt sem uppreisnin barðist fyrir og hefur fengið til liðs við sig hinn goðsagnakennda mandalóríska hausaveiðara Din Djarin og ungan lærling hans, Grogu.

Söguþráður enn á huldu.

Verkefni Bósa, Vidda, Jessie og hinna í genginu verða margfalt erfiðari þegar leiktímanum er ógnað með tækninni.

Þegar Kara Zor-El fagnar 21 árs afmælinu sínu ferðast hún um alheiminn með hundinum sínum Krypto. Á ferðalaginu hittir hún ungu stúlkuna Ruthye Marye Knoll og leggur upp í „blóðuga leit að hefnd“.

Söguþráður enn á huldu.

Í miðjum hamfarafellibyl berst strandbær við náttúruöflin og árás hákarla.

Þegar hræðileg bölvun sem hálfguðinn Maui olli berst til eyju þorpshöfðingja í Pólýnesíu til forna svarar einþykk dóttir hans kalli hafsins og leggur af stað til að finna hálfguðinn og koma öllu í lag aftur.

Ódysseifur, hinn goðsagnakenndi gríski konungur Íþöku, leggur í langa og hættulega heimferð að Trójustríðinu loknu. Sagt er frá viðureignum hans við goðsagnaverur á borð við kýklópann Pólýfemos, sírenurnar og seiðgyðjuna Kirku.

Tvö auðug systkini missa skyndilega fjárhagslegan stuðning foreldra sinna og neyðast nú í fyrsta sinn til að spreyta sig á fullorðinslífinu upp á eigin spýtur.

Myndin gerist 24 árum fyrir atburði fyrstu Hungurleikamyndarinnar, og hefst morguninn fyrir fimmtugustu hungurleikana. Meðal keppenda er Haymitch Abernathy þegar hann var ungur maður.

Vandræðalegur unglingsstrákur og metnaðarfull móðir hans komast að því að það sem gerir hann óvenjulegan gætu verið töfrakraftar sem eiga eftir að umturna lífi þeirra beggja og opna leynilegan töfraheim.

Söguþráður enn á huldu.

Söguþráður enn á huldu.

Steve og Alex fara enn dýpra inn í Overworld og uppgötva þar ný landsvæði og standa frammi fyrir ferskum áskorunum.