Nýtt á VOD

Hættan er stöðugt yfirvofandi hjá Jack sem vinnur við að saga timbur. En það er ekki bara náttúran sem ógnar heldur fer hann einn daginn sem oftar inn í skóg og hittir þar kunnuglegt glæpagengi sem vill hann feigan.

Tollvörður, sem glímir við siðferðisleg álitamál sem tengjast eftirliti á landamærunum, og ólöglegur innflytjandi sem er á flótta undan miskunnarlausum eiturlyfjahring, hittast og hjálpast að við að bjarga lífi saklausrar stúlku.

Þegar tvíburabræðurnir Bill og Hal finna gamlan tuskuapa pabba síns uppi á háalofti fara hrottaleg dauðsföll að eiga sér stað. Bræðurnir ákveða að henda dótinu og halda áfram með lífið, og smátt og smátt fjarlægjast þeir hvorn annan.

Súkkulaðikanínan Freya býr í hinu töfrandi þorpi Sylvania. Hún fær tvö verkefni fyrir Stjörnuhátíðina: Að velja Tré ársins og finna afmælisgjöf fyrir mömmu sína. Vinir hennar hjálpa henni.

Gamall maður í verslunarleiðangri finnur konuangan af Saimi en lyktin af henni er nákvæmlega eins og hún á að vera og hann er í sjöunda himni. Maðurinn á innst inni erfitt með að trúa að honum geti liðið eins og yngissveini aftur. Hann verður að viðurkenna að hann nýtur þess að vera með Saimi. Orðin, augnaráðið og snertingin við aðra manneskju leysa úr læðingi tilfinningar sem voru honum löngu glataðar. Sonum hans kemur þetta spánskt fyrir sjónir. Þeir öfunda jafnvel föður sinn og treysta ekki Saimi. Hver veit, kannski er hún á höttunum eftir arfinum? Fjölskyldufundir, misskilningur, sundsprettur í tunglskininu, svefnvana nætur. Ástin getur jafnvel borað sig í gegnum elstu flannelskyrtur.

Vinskapur tveggja kvenna styrkist í ökuferð í rafmagnsbíl þar sem þær leita sátta og endamarka.

Á sama tíma og hjónaband Joe og Isabel er að leysast upp finna þau Kitti, nakta ókunnuga konu, fljótandi í lauginni í sumarhúsi þeirra í Grikklandi, og bjóða henni að gista. Kitti safnar og borðar eitraðar jurtir og Nina, unglingsdóttir hjónanna, hrífst af henni. Mun Kitti geta hjálpað fjölskyldunni út úr erfiðleikunum?

Big Nick er hér aftur á ferð í Evrópu og nálgast nú Donnie, sem er flæktur í sviksamlegan og óútreiknanlegan heim demantaþjófnaðar og hina alræmdu Panther mafíu. Á sama tíma er risastórt rán í heimsins stærstu demantakauphöll í undirbúningi.

Porky og Daffy verða ólíklegar hetjur þegar skrípalæti þeirra í tyggjóverksmiðju bæjarins leiða í ljós háleynilegt geimverusamsæri. Þeir eru staðráðnir í að bjarga bænum og öllum heiminum ... ef þeir ná þá ekki að gera hvorn annan brjálaðan áður.

Saga breska tónlistarmannsins Robbie Williams allt frá barnæsku og þar til hann varð yngsti meðlimur strákabandsins vinsæla Take That og sló síðar aftur í gegn sem tónlistarmaður undir eigin nafni. Á sama tíma mætti hann ýmsum áskorunum sem fylgdu frægðinni.

Ann er jógakennari sem leitar að innri friði á meðan fjölskylda hennar er að gera hana brjálaða og ástarlífið er ömurlegt. Hún kann ekki að segja nei og vill leysa vandamál allra.

Þegar hópur fólks með ólíkan bakgrunn kemur saman, leiðir tilviljun til dásamlegra augnablika sem minna okkur á fegurðina í smáum atriðum lífsins. Með léttum húmor og hjartnæmum boðskap er kvikmyndin falleg áminning um að stundum eru það litlu hlutirnir sem skipta mestu máli.

Þrjú systkini festast á dularfullan hátt inni í forngripaverslun þegar móðir þeirra neitar að standa upp úr einum af sófunum sem þar eru seldir.

Í þessari mynd fer bangsinn Paddington aftur til Perú til að heimsækja sína ástkæru frænku Lucy, sem býr á dvalarheimili fyrir eldri birni. Með Brown fjölskylduna í eftirdragi þá hefst fljótlega æsispennandi ævintýri þegar ráðgáta sendir þau í óvænta ferð inn í Amazon regnskóginn og upp snarbrött fjöllin í Perú.

Dreux og Alyssa, sem eru bæði bestu vinkonur og herbergisfélagar, eru um það bil að eiga einn af þessum slæmu dögum. Þegar þær komast að því að kærasti Alyssu er búinn að sólunda leigupeningunum þeirra, þá verða þær að grípa til örþrifaráða til að verða ekki hent út úr íbúðinni, og halda áfram að vera vinkonur.

Í þessari mynd fer bangsinn Paddington aftur til Perú til að heimsækja sína ástkæru frænku Lucy, sem býr á dvalarheimili fyrir eldri birni. Með Brown fjölskylduna í eftirdragi þá hefst fljótlega æsispennandi ævintýri þegar ráðgáta sendir þau í óvænta ferð inn í Amazon regnskóginn og upp snarbrött fjöllin í Perú.

Forstjóri í stóru fyrirtæki setur ferilinn og fjölskylduna í hættu þegar hún byrjar í sjóðheitu sambandi við ungan starfsnema.

Líf Andy Goodrich umturnast þegar eiginkona hans fer í 90 daga meðferð, og skilur hann eftir einan með ung börn þeirra. Goodrich treystir á dóttur sína úr fyrsta hjónabandi sínu, Grace, og breytist að lokum í föðurinn sem Grace átti aldrei.

Þegar revíuskrautsýningin sem hún hefur leikið aðalhlutverk í í Las Vegas í áratugi fer af fjölunum þarf leikkonan að sættast við ákvarðanir sem hún hefur tekið og samfélagið sem hún hefur byggt upp, á sama tíma og hún hugar að næstu skrefum á ferlinum.

Þegar karatemeistarinn Michael Rivers vinnur síðustu keppni ferilsins býður hinn vafasami athafnamaður Ron Hall honum tækifæri til að berjast í ólöglegri Kumite keppni í Búlgaríu gegn bestu bardagamönnum heims. Þegar Michael hafnar boðinu, þá lætur Hall ræna dóttur hans og til að bjarga henni verður Rivers að taka þátt í keppninni. Þegar hann kemur til Búlgaríu kemst hann að því að hann er ekki eini keppandinn sem lenti í því að ástvini var rænt. Rivers fær aðstoð frá þjálfurunum Loren og Julie en spurningin er hvort það muni duga til að vinna keppnina og bjarga dóttur hans.