Cherry Falls (2000)

Hér er á ferðinni frábær hrollvekja á gamansömum nótum. Myndinni hefur verið líkt við Scream og American Pie. Hún gerist í rólega smábænum Cherry Falls. Þegar þrjár ungar námsmeyjar menntaskólans eru drepnar á hrottalegan hátt hleðst spennan up. Stelpurnar áttu allar eitt sameiginlegt, þær voru hreinar meyjar. Bæjarfógetinn Brent Marken kallar til bæjarfundar til að ræða þessi hrikalegu morð. Fundurinn leysist upp í algjöra vitleysu og mitt í allri ringulreiðinni er fjórða ungmennið drepið með köldu blóði. Brent gerir allt til að vernda dóttur sína, Jody (Brittany Murphy) enda hefur hann sínar grunsemdir um hver morðinginn er og það sem meira er, hann telur víst að dóttir sín sé enn óspjölluð eða hvað! Nemendur menntskólans ákveða síðan að halda heljarinnar svallveislu þar sem allir eiga að afmeyjast en svo virðist sem morðinginn ráðist bara á óspjallaðar ungar meyjar. Sem sagt, þú verður að afmeyjast, eða drepast ella.