A Cinderella Story (2004)

Þegar Samantha Montgomery er 8 ára gömul missir hún föður sinn í jarðskjálfta og þarf eftir það að búa uppi á háalofti, en stjúpmóðir hennar Fiona og stjúpsystur, þær Gabriella og Brianna, ráða öllu um líf hennar, enda erfði stjúpan allt eftir föður hennar en hún fékk ekki neitt. Stjúpan lætur Sam þræla sér út á matsölustað sem pabbi hennar rak. Í skólanum er henni strítt af vinsælu stelpunum, en þar fremst í flokki er Shelby Cummings, rík og fordekruð. Sam kynnist Austin Ames og þau skiptast á tölvupóstum og SMS skilaboðum, en þekkjast ekkert fyrir utan það. Þau ákveða að hittast í eigin persónu á skólaballinu kl. 23, en þau fá þó lítinn tíma saman því Sam þarf að þjóta aftur á matsölustaðinn. Á leiðinni missir hún farsímann sinn og Austin finnur hann. Austin reynir að finna út úr því hver Öskubuska er, en Sam er hrædd um að ef hann kemst að því hver hún raunverulega er, að þá hafi hann engan áhuga á henni.