Tenderness (2009)

Myndin gerist í New York-fylki í Bandaríkjunum og segir frá Eric Poole (Jon Foster), 18 ára unglingi sem er um það bil að losna úr fangelsi, en hefur setið þar inni síðustu ár fyrir að hafa myrt unga stúlku. Lögreglumaðurinn Cristofuoro (Crowe), sá sem handtók hann upphaflega, er ekki hrifinn af því að hann sé að sleppa út í samfélagið, því hann er handviss um að Eric sé ekki viðbjargandi og muni myrða á ný. Upp á sitt einsdæmi ákveður hann að fylgjast stöðugt með Eric og eltir hann hvert sem hann fer. Þegar Eric leggur af stað í það sem virðist vera ósköp venjuleg og sakleysisleg ferð út úr bænum fara hlutirnir að gerast fyrir alvöru. Fljótlega er Cristofuoro það ljóst að ekkert er eins og það sýnist þegar Eric er kominn í slagtog við unga stúlku sem er algerlega gagntekin af Eric og virðist eiga einhverja sögu með honum...