44 Inch Chest (2009)

Breska spennumyndin 44 Inch Chest segir frá Colin Diamond (Ray Winstone), sem nýtur mikillar velgengni sem bílasölumaður. Hann fær hins vegar taugaáfall þegar hann kemst að því að eiginkonan Liz (Joanne Whalley) hefur verið að halda framhjá honum. Vinir hans sannfæra hann svo í framhaldinu um að ræna elskhuga hennar og láta hann gjalda fyrir verknaðinn. Hann lætur til segjast og fær aðstoð þeirra við verknaðinn, en þar á meðal eru hinn stílmeðvitaði Meredith (Ian McShane), hinn fordómafulli Old Man Peanut (John Hurt), hinn jarðbundni Archie (Wilkinson) og hinn afar uppstökki Mal (Dillane). Þeir ræna manninum sem þeir kalla Loverboy (Melvil Poupaud), en ekki líður á löngu þar til þeir uppgötva að með þessu hafa þeir komið af stað atburðarás sem erfitt gæti verið að hafa stjórn á eða stöðva þegar hlutirnir hafa gengið alltof langt...