Á morgun kemur einhver vanmetnasta hasarmynd ársins í búðir, og það ku vera nýjasta mynd leikstjórans Joe Carnahan (Narc, Smokin’ Aces), The A-Team. Ef þú hefur ekki enn séð þessa dásamlegu hasarþvælu – sem tekur sig ekki alvarlega í hálfa mínútu og fókusar einungis á fjörið – þá hvet ég þig eindregið til að lesa lengra því þú gætir unnið eitt stykki DVD eintak af ræmunni núna á morgun.
Þessi testósterónbomba skartar Liam Neeson, Bradley Cooper, Patrick Wilson, Jessica Biel ásamt nýliðunum Sharlto Copley (Wikus úr District 9) og Quinton „Rampage“ Jackson. En eins og flestir sem reglulega nota þessa síðu ættu að vita þá er Neeson með þeim svölustu leikurum sem finnst þarna úti og ég ætla að vera með smágetraun sem testar þína Neeson-þekkingu.
Það eru tveir leikir í boði og þú ræður hvorum þú vilt taka þátt í. Þú mátt þess vegna taka þátt í báðum. Þeir eru allavega svona:
.:LEIKUR 1:. (SKJÁSKOTALEIKUR)
Úr hvaða myndum eru þessar stillur og hvað heitir Neeson í þeim.
1.
2.
3.
.:LEIKUR 2:. (NAGLINN NEESON)
Þessi er eflaust einfaldari en hér spyr ég að hinni „ultimate“ spurningu, sem notendur fá að svara eftir sínum eigin smekk:
– Hver er svalasta eða mest „badass“ sena sem þú hefur nokkurn tímann séð Neeson leika í?
Hér þarftu að lýsa senunni í stuttu máli og segja augljóslega úr hvaða mynd hún er.
Þú sendir svörin á tommi@kvikmyndir.is. Ég mun svo velja vinningshafa um hádegið á morgun og þeir fá nánari upplýsingar um hvar skal nálgast sína diska. Gangi ykkur vel, og Neeson veri með ykkur!
T.V.