Hinn 70 ára gamli kvikmyndaleikari Peter Fonda, bróðir Jane Fonda og sonur Henry Fonda heitins, lenti í sérstöku atviki í gær á Sunset Boulevard í Hollywood, þegar hann fann lík í bíl sem lagt var við götuna.
Fonda, sem fengið hefur tilnefningu til Óskarsverðlauna, hringdi umsvifalaust í 911 neyðarlínuna, að því er bandaríska vefsíðan TMZ segir frá.
Vefsíðan segir einnig frá því að hinn látni gæti líklega hafa framið sjálfsmorð. Líkið hafði verið í bílnum í þrjá daga þegar Fonda fann það.
Lögregla sagði við AP fréttastofuna að leikarinn sé á engan hátt tengdur dauðsfallinu.