Fyrsta og eina stiklan sem gerð verður fyrir jóladagatalið Jól í heimsendi, er komin út og má horfa á hana hér fyrir neðan. Sýningar á jóladagatalinu hefjast þann 1. desember nk. á vefslóðinni joladagatal.com.
Í tilkynningu frá aðstandendum segir að Jól í heimsendi séu gamanþættir sem eru bannaðir börnum, og fjalli um fjóra ókunnuga einstaklinga sem þurfa að búa saman eftir að vampíru-heimsendir skellur á.
Á Facebook síðu dagatalsins er hægt að skoða myndir og fleira sem tengist þáttunum.
Leikarar eru Thelma Huld Jóhannesdóttir, Guðmundur Snorri Sigurðarson, Magnús Thoroddsen Ívarsson og Silja Ástudóttir.
Sjáðu stikluna hér fyrir neðan: