Gestum Carmike kvikmyndahússins í Suður-Karólínu í Bandaríkjunum var skemmtilega brugðið þegar tveir simpansar, Vali og Sugriva, skelltu sér á nýjustu afurð kvikmyndaseríunnar Planet of the Apes, en myndin nefnist Dawn of the Planet of the Apes.
Simpansarnir tveir voru í fylgd með eigendum sínum, sem þurftu þó ekki að hafa mikið fyrir þeim því þeir keyptu sér sjálfir miða á sýninguna og fyrir restina af peningunum var fengið sér poppkorn og gos.
Eigendurnir segja að simpansarnir séu miklir aðdáendur kvikmyndaseríunnar og horfa líka reglulega á aðrar myndir. „Vali er mjög skýr og horfir oft á Lord of the Rings, hann skilur nákvæmlega hvað myndirnar fjalla um.“ sagði einn eigandanna við ABC News.
Hér að neðan má sjá myndskeið frá ABC News um málið.