Fyrsta stikla úr nýrri tónleikamynd Bjarkar, Björk: Biophilia Live er komin út en þann 5. september nk. verður myndin frumsýnd í Bíó Paradís.
Eins og segir í tilkynningu frá Bíó Paradís þá er Björk : Biophilia Live „heimildarmynd sem fangar byltingarkennda veröld Biophiliu, þar sem tónlist, vísindi og tækni sameinast.“
Alheimurinn er viðfangsefni Biophiliu en með því verkefni gerði Björk víðreist um heiminn til að opna heim tónlistar, eðlisfræði og náttúru fyrir börnum gegnum appið sem þróað var í tengslum við verkefnið. Í lok kennslutarna hélt hún tónleika víðs vegar um heiminn, og er Björk: Biophilia Live upptaka af síðustu tónleikunum á túrnum sem haldnir voru haldnir í London þann 3. september 2013.
Leikstjórar myndarinnar blanda teiknimyndum inn í tónleikamyndina og úr verður heillandi mynd sem Hollywood reporter kallar „Töfrandi hljóðsýningu sem nýtur góðs af kvikmyndaforminu…hugmyndaríkt listaverk sem stendur algerlega eitt og sér“.
Sjáðu nýju stikluna hér fyrir neðan:
