Kvikmyndirnar Argo og Vesalingarnir, eða Les Miserables, voru sigurvegarar kvöldsins þegar Golden Globe verðlaunin voru veitt í gær í Hollywood, en verðlaunin þykja jafnan gefa hugmyndir um mögulega sigurvegara á Óskarsverðlaunahátíðinni í febrúar.
Argo hlaut tvenn verðlaun, sem besta drama kvikmynd og Ben Affleck var valinn besti leikstjórinn. Les Miserables fékk verðlaun sem besta kvikmynd í flokki gamanmynda og söngvamynda, og leikararnir Hugh Jackman og Anne Hathaway hlutu bæði verðlaun fyrir leik í myndinnni.
Django Unchained, mynd Quentin Tarantino, hlaut tvenn verðlaun á hátíðinni, jafnmörg og Argo, fyrir besta handrit og Cristoph Waltz fyrir besta meðleik.
Mynd Steven Spielbergs, Lincoln, um Abraham Lincoln 16. forseta Bandaríkjanna, fékk hinsvegar aðeins ein verðlaun en var tilnefnd til sjö. Það var Daniel Day Lewis sem hlaut verðlaunin sem besti leikarinn í dramatískri mynd fyrir túlkun sína á Lincoln.
Leikkonan Jessica Chastian hlaut verðlaunin sem besta leikkonan í dramatískri mynd fyrir hlutverk sitt í myndinni Zero Dark Thirty.
Hér er að neðan er heildarlisti yfir sigurvegara á Golden Globe hátíðinni:
Besta kvikmynd, drama: Argo
Besta kvikmynd, gamanmynd eða söngvamynd: Les Misérables
Besti leikari í kvikmynd, drama: Daniel Day-Lewis, Lincoln
Besta leikkona í kvikmynd, drama: Jessica Chastain, Zero Dark Thirty
Besti leikari í kvikmynd, gamanmynd eða söngleik: Hugh Jackman, Les Misérables
Besta leikkona í kvikmynd, gamanmynd eða söngleik: Jennifer Lawrence, Silver Linings Playbook
Besti meðleikari í kvikmynd, drama: Christoph Waltz, Django Unchained
Besta meðleikkkona í kvikmynd, drama: Anne Hathaway, Les Misérables
Besti leikstjóri, kvikmynd: Ben Affleck, Argo
Besta handrit, kvikmynd: Quentin Tarantino, Django Unchained
Besta mynd á erlendu tungumáli: Amour (Austria)
Besta teiknimynd: Brave
Besta tónlist í kvikmynd: Mychael Danna, Life of Pi
Besta lag í kvikmynd: „Skyfall,“ Skyfall, Adele & Paul Epworth
Sjónvarp
Besta sjónvarpssería, Drama: Homeland
Besta sjónvarpssería, gaman: Girls
Besta sjónvarpsmynd eða stuttsería: Game Change
Besti leikari í sjónvarpsseríu, Drama: Damian Lewis, Homeland
Besta leikkona í sjónvarpsseríu, Drama: Claire Danes, Homeland
Besti leikari í sjónvarpsseríu, gaman: Don Cheadle, House of Lies
Besta leikkona í sjónvarpsseríu, gaman: Lena Dunham, Girls
Besti leikari í sjónvarpsmynd eða stuttseríu: Kevin Costner, Hatfields & McCoys
Besta leikkona í sjónvarpsmynd eða stuttseríu: Julianne Moore, Game Change
Besti meðleikur karla í sjónvarpsmynd eða stuttseríu: Ed Harris, Game Change
Besti meðleikkona í sjónvarpsmynd eða stuttseríu: Maggie Smith, Downton Abbey
Cecil B. DeMille verðlaunin: Jodie Foster
