Fyrsta stiklan í fullri lengd fyrir Netflix – sjónvarpsþáttaseríuna Wet Hot American Summer: First Day of Camp, eða Blautt heitt bandarískt sumar: Fyrsti dagur í sumarbúðum, er komin út, en þættirnir eru stjörnum prýddir, eins og sjá má í stiklunni hér að neðan þar sem hver stórleikarann á eftir öðrum kemur fram.
Þættirnir eru forsaga vinsællar kvikmyndar frá árinu 2001, Wet Hot American Summer.
Eins og sjá má í stiklunni hér að ofan þá leggur H. Jon Benjamin krökkunum lífsreglurnar í byrjun, þar sem dregin eru skýr mörk hvað varðar samskipti kennara og nemenda, en sjón er sögu ríkari.
Aðalleikarar upprunalegu myndarinnar, þau Bradley Cooper, Amy Poehler, Paul Rudd, Elizabeth Banks, Molly Shannon, Michael Ian Black, Janeane Garofalo, Joe Lo Truglio, Ken Marino, Christopher Meloni og Marguerite Moreau snúa öll aftur í þáttunum sem gerast í Camp Firewood sumarbúðunum.
Allir átta þættirnir af Wet Hot American Summer: First Day of Camp verða aðgengilegir á Netflix vídeóleigunni þann 31. júlí nk.