Alice Eve, sem leikur eitt af aðalhlutverkunum í Star Trek Into Darkness borðaði nær eingöngu spínat í fimm mánuði til að líta vel út fyrir myndina. „Um borð í The Enterprise ( geimskipið í Star Trek ) þá þarftu að líta út eins og þú sért með allt á hreinu og líta út fyrir að vera í fullkomnu bardagaformi,“ sagði leikkonan við breska dagblaðið The Telegraph, þar sem hún ræddi m.a. undirbúning sinn fyrir hlutverkið.
Margir muna eftir Eve úr myndinni She´s Out of My league, Men in Black 3 og The Raven, sem var frumsýnd á síðasta ári. Í Star Trek Into Darkness fer hún með hlutverk Dr. Carol Marcus.
Star Trek Into Darkness verður frumsýnd á föstudaginn næsta, þann 10. maí.