Bradley Cooper var handtekinn þegar hann var unglingur. Í viðtali við Esquire sagðist leikarinn hafa valdið foreldrum sínum alls kyns vandræðum með uppátækjum sínum.
„Ég var vel upp alinn. En ég lét þau ganga í gegnum alls konar rugl, Ég var handtekinn [fyrir að drekka undir lögaldri] þegar ég var 15 ára,“ sagði hinn 37 ára Cooper, sem á írskan föður og ítalska móður.
Hann þakkar foreldrum sínum fyrir að hafa beint honum inn á réttar brautir. „Mamma sagði alltaf: „Hringdu í mig. Ég vil vita hvar þú ert“,“ sagði leikarinn. „Samskipti mín við foreldrana mína voru alltaf mjög góð.“
Nýjasta mynd Cooper er Silver Linings Playbook þar sem hann leikur á móti Jennifer Lawrence. Myndin hefur verið tilnefnd til fernra Golden Globe-verðlauna.
