Broddgölturinn Sonic í kvikmyndinni Sonic the Hedgehog 3 kom sá og sigraði á íslenska bíóaðsóknarlistanum um síðustu helgi og þaut á leifturhraða beint á toppinn! Sömu sögu er að segja um Bandaríkin þar sem myndin situr einnig efst á vinsældarlistanum.
6.400 áhorfendur mættu í bíó til að sjá myndina á Íslandi og tekjur voru 10,2 milljónir rúmar.
Nýja íslenska gamanmyndin Guðaveigar hreppti annað sætið á íslenska listanum með rúmlega 2.100 áhorfendur og fimm milljónir króna í tekjur.
Í þriðja sætinu situr svo fyrrum toppmynd listans, Mufasa: The Lion King.
Vaiana 2 tekjuhæst samtals
Tekjuhæsta mynd listans samtals er svo Vaiana 2 með 41 milljón króna í tekjur.
Sjáðu topplistann í heild sinni hér fyrir neðan:
