Ofurmyndaleikstjórinn James Cameron, sem á heiðurinn meðal annars að tekjuhæstu mynd kvikmyndasögunnar, Avatar, er sagður ætla að gera langþráð framhald ofurspæjaramyndarinnar True Lies, sem var með þeim Arnold Schwarzenegger og Jamie Lee Curtis í aðalhlutverkum.
Ekki verður þó um kvikmynd að ræða heldur sjónvarpsþætti, sem Cameron er sagður ætla að framleiða.
True Lies er um hjón sem bæði eru njósnarar. Ef af þessu verður, þá verður hér um endurkomu Cameron í sjónvarp að ræða, en Cameron framleiddi síðast Dark Angel með Jessica Alba í aðalhlutverkinu.
Nú er spurning ef af þessu verður, hvort að menn ætli að endurgera söguna í myndinni, eða að taka upp þráðinn þar sem myndin endaði.
Frægt atriði úr True Lies þegar Jamie Lee Curtis dansaði fyrir eiginmann sinn, án þess að vita að þetta var hann:
