Síðasti kaflinn í sögunni um Harry Potter er að gera allt vitlaust í kvikmyndahúsum um þessar mundir, en nú þegar hefur Harry Potter & the Deathly Hallows Part II slegið aðsóknarmet um allan heim.
Margir myndu ætla að leikararnir myndu taka sér frí en hin unga Emma Watson tekur það ekki í mál og hefur strax nælt sér í sitt næsta hlutverk. Samkvæmt heimildum hefur Watson tekið að sér aðalhlutverkið í nýrri útgáfu af sögunni um Fríðu og Dýrið, en leikstjórn yrði í höndum hins eitursvala Guillermo Del Toro.
Næsta mynd Watson, My Week with Marilyn, verður frumsýnd síðar á árinu en Del Toro vinnur hörðum höndum að sinni næstu mynd, stórverkinu Pacific Rim.
