Fyrsta stiklan er komin út fyrir gamanmynd þeirra Will Ferrell og Mark Wahlberg, sem léku síðast saman í The Other Guys.
Myndin heitir Daddy´s Home og fjallar um tvo feður, stjúpföður og blóðföður, sem keppast um ást og aðdáun ungra barna sinna.
Ferrell leikur stjúpföðurinn en Wahlberg er blóðfaðirinn sem fór að heiman fyrir löngu síðan, en birtist skyndilega og vill fá að verða hluti af lífi barnanna.
Eins og hægt var að búast við þá býður þessi samsetning upp á ýmsar bráðfyndnar uppákomur eins og sjá má í meðfylgjandi stiklu:
Leikstjóri er Sean Ander og helstu leikarar aðrir eru Linda Cardellini, Thomas Haden Church og Alessandra Ambrosio.
Myndin er væntanleg í bíó í Bandaríkjunum um næstu jól.
