Leikkonan Annette Charles, sem er best þekkt fyrir hlutverk sitt sem Cha Cha DiGregorio í hinni sígildu dans og söngvamynd Grease, er látin, 63 ára að aldri.
Vinur hennar Tom LaBonge, sagði AP fréttastofunni að hún hefði dáið í Los Angeles í Bandaríkjunum eftir baráttu við krabbamein, sl. miðvikudagskvöld.
Ekki eru nema tveir mánuðir síðan annar leikari úr myndinni, Jeff Conoway lést, en persónan sem hann lék í Grease, Kenickie, var félagi Cha Cha á skólaballinu.
Í Grease sagði Charles þegar hún kynnti sig til leiks á dansgólfinu á skólaballinu í Grease: „They call me Cha Cha, ’cause I’m the best dancer at St. Bernadette’s.“
„…with the worst reputation!“, svaraði þá Frenchie, sem leikin var af leikkonunni Didie Conn.