Í nýrri stiklu úr kvikmyndinni Sharknado sést leikkonan Tara Reid berjast við hákarla sem svífa um í hvirfilbyl og ráðast á fólk á almannafæri. Reid hefur m.a. leikið í The Big Lebowski og American Pie-myndunum.
„Ég get ekki beðið eftir að sjá Sharknado, hún er eflaust betri en Snakes on a Plane. Ég vona að þið hafið jafn gaman af henni og ég.“ skrifaði Reid á samskiptarsíðuna Twitter fyrir skömmu.
Söguþráðurinn er jafn fjarstæðukenndur og titillinn gefur til kynna og fjallar um kraftmikinn hvirfilbyl sem sýgur hákarla úr sjónum og rignir þeim svo á stórborg. Sharknado er gerð fyrir sjónvarp og mun ekki fara í kvikmyndahús. Myndin verður eflaust fáanleg á DVD eftir nokkrar vikur fyrir áhugasama.
