Fyrsta íslenska teiknimyndin í fullri lengd, Hetjur Valhallar – Þór var að fá nýtt plakat!
Aðalsöguhetja myndarinnar er hinn ungi Þór sem dreymir um frægð og frama á vígvellinum fjarri járnsmiðju móður sinnar. Sagan segir að hann sé sonur sjálfs Óðins, konungs guðanna og þess vegna trúa því allir að Óðinn muni vernda Þór og þorp hans fyrir jötnum og öðrum illum öflum. En á meðan Þór lætur sig dreyma um frægð og frama bruggar Hel drottning undirheimanna ráð gegn mönnum og guðum. Á sama tíma fær Þór á ótrúlegan hátt upp í hendurnar kröftugasta vopn veraldar, hamarinn Mjölni. Þegar heimurinn er á heljarþröm þarf Þór að taka á honum stóra sínum og beisla krafta Mjölnis því örlög alls heimsins eru í þeirra höndum.
Leikstjórar eru Óskar Jónasson ásamt Toby Genkel og Gunnari Karlssyni, og er myndin byggð á handriti eftir Friðrik Erlingsson. Spennandi verður að sjá lokaafurðina, sérstaklega í ljósi þess að þó þetta sé önnur kvikmyndin í ár sem fjallar um þrumuguðinn Þór, er þetta sú fyrsta sem virðist taka goðafræðina eitthvað alvarlega. Sjáið skemmtilega heimasíðu myndarinnar fyrir frekari upplýsingar. Myndin kemur út 14. október. Sjáið plakatið hér:
