Bandaríski leikarinn James Gandolfini er látinn 51 árs að aldri.
Leikarinn var staddur á Ítalíu þegar hann lést, en banamein hans er talið vera hjartaáfall.
Gandolfini er best þekktur fyrir leik sinn í sjónvarpsþáttunum The Sopranos þar sem hann lék mafíuforingjann Tony Soprano. Gandolfini fékk þrenn Emmy verðlaun fyrir leik sinn í þáttunum.
Gandolfini lætur eftir sig eiginkonu og tvö börn.
Ásamt því að leika í sjónvarpi þá lék hann í mörgum kvikmyndum, þar á meðal Zero Dark Thirty, Not Fade Away, The Incredible Burt Wonderstone og fleiri myndum.
