Slúðurkóngarnir hjá TMZ halda því nú fram að vandræðagemlingurinn Lindsay Lohan eigi séns á hlutverki í nýju myndinni um Superman. Talsmenn leikkonunnar segja hana hafa átt mörg samtöl með fólki innan framleiðslu myndarinnar og muni brátt funda með Zack Snyder, leikstjóra hennar.
Hlutverkið sem Lohan sækist eftir væri ekki Lois Lane, ástkona Superman, en yrði samt sem áður stórt hlutverk. Ekki er vitað hvort það sé hlutverk Ursa, kvenkyns skúrksins sem þær Rosamund Pike, Alice Eve og Diane Kruger voru nýlega sagðar berjast um. Stuttu seinna sagði Kruger sjálf að það væri bara orðrómur, en það er aldrei skortur á þeim þegar kemur að kvikmyndum um ofurhetjur.
– Bjarki Dagur
