Ef þú vilt tryggja þér miða á Captain America-forsýninguna okkar þá geturðu mætt upp í Laugarásbíó næstu daga (nema Laugardaginn!!) á milli kl. 18:00 og 20:00 og keypt miða hjá aðstandendum síðunnar. Skiptir engu hvort þú sért með pening, debet- eða kreditkort. Ef þið eruð hins vegar með kreditkort og viljið spara bensínið þá getið þið líka keypt miða hér.

Einnig er hægt fyrir notendur að senda mail á tommi@kvikmyndir.is og láta taka frá miða fyrir sig, en athugið það að ósóttar pantanir verða seldar á undan sýningunni. Til vonar og vara er langbest að mæta bara upp í bíó.

Sjáumst á sýningunni. Munið síðan að sýningin er í 3D, og kostar þ.a.l. 1350 á sýninguna (standard verð – mætið með gleraugu!)

Kvikmyndaáhugamenn eru líklegast að verða orðlausir af spenningi yfir nýjustu mynd Christophers Nolan, Inception, sem við ætlum að forsýna tæpri viku á undan íslenskum frumsýningardegi. Sýningin verður semsagt á föstudeginum 16. júlí kl. 23:00 í Kringlubíói. Miðaverð á sýninguna er 1400 kr.

Hægt er að kaupa miða í miðasölu Sambíóanna eða á midi.is (smellið hér)

Við munum reglulega minna fólk á það ef það eru margir lausir miðar eftir á Facebook-síðunni okkar, þannig endilega fylgist með þar. Einnig verður alltaf hægt að maila á mig (tommi@kvikmyndir.is) ef þið hafið einhverjar aðrar spurningar. Ég reyni að svara öllum póstum eins fljótlega og hægt er.

Því minna sem sagt er um þessa mynd, því betra (trúið mér!), en ef áhugasamir hafa áhuga þá er hægt að lesa um söguþráð myndarinnar hér. Með helstu hlutverk fara Leonardo DiCaprio, Ellen Page, Joseph Gordon-Levitt, Marion Cotillard, Cillian Murphy, Ken Watanabe, Tom Hardy og Michael Caine. Og fyrir þá sem ekki vita mikið um leikstjórann þá er þetta sami maður og færði okkur Memento, Batman Begins, The Prestige og The Dark Knight.

Kvikmyndir.is forsýningar hafa smám saman verið að stækka og undirritaður gætir sín ávallt á því að forsýna einungis góðar myndir (smekksatriði auðvitað, en þið fattið). Á undanförnu ári höfum við haldið sýningar á myndum eins og Inglourious Basterds, District 9, Shutter Island og Kick-Ass, og kaldhæðnislega eru allar þessar myndir á topp 250 listanum á IMDB yfir bestu myndir allra tíma. Ef þessum sýningum gengur vel í framtíðinni verða engin takmörk fyrir því hvað við getum gert með fleiri stóra titla á næstunni, eins og t.d. The Expendables, Scott Pilgrim, Harry Potter o.fl.)

Annars vonast ég til að sjá sem flesta. Hér er fyrir neðan er teaser trailerinn, því ég vil ómögulega að menn horfi á of mikið af „alvöru“ sýnishornunum.

Tómas Valgeirsson