Dev Patel byrjaði að æfa Taekwando þegar hann var tíu ára gamall. Hann fékk svarta beltið í mars árið 2006, sextán ára gamall.
Þetta er fyrsta kvikmyndin sem Dev Patel leikstýrir.
Myndin átti upphaflega að fara beint á Netflix. En þegar leikstjórinn og framleiðandinn Jordan Peele sá myndina fannst honum hún eiga skilið að fara fyrst í bíó. Hann keypti myndina því af Netflix og færði hana undir framleiðslufyrirtækið sitt Monkeypaw Productions sem er með dreifingarsamning við Universal Pictures.
Dev Patel meiddi sig nokkrum sinnum á meðan á tökum myndarinnar stóð. Hann handleggsbrotnaði og braut tvær tær, tognaði á öxl og fékk augnsýkingu.
