Kevin and Perry Go Large (2000)

Kevin og Perry eru tveir 15 ára gamlir strákar sem þrá það eitt að missa sveindóminn. Þegar þeir eru ekki að hugsa um stelpur, þá dreymir Kevin um að verða söngvari og Perry hefur áhuga á að verða plötusnúður. Þegar Kevin og Perry stoppa bankarán fá þeir peningaverðlaun, og ákveða því að fara í frí til Ibiza, en þar eiga einmitt að vera þúsundir fallegra kvenna sem eru til í að sofa með hverjum sem er. En eftir að strákarnir eru búnir að setja fullt af sólarvörn og smokkum ofaní töskur, þá tilkynna foreldrar Kevin þeim að þau ætli að fara með þeim. Strákarnir láta það ekki á sig fá og fara í ferðina og hitta þar stórstjörnuna og plötusnúðinn DJ Eyeball Paul, sem mun hugsanlega hlusta á prufuupptökuna þeirra. Strákarnir hitta einnig Gemma og Candice, sem hafa næstum jafnmikinn áhuga og strákarnir á því að fara í rúmið.