Chasing Liberty (2004)

Líf Anna Foster hefur aldrei verið venjulegt. Hún er 18 ára gömul, og nýtur meiri verndar en nokkur önnur stúlka í Bandaríkjunum, enda er hún dóttir forseta Bandaríkjanna. Anna er þreytt á því að vera ofvernduð af föður sínum og semur við hann um að hafa einungis tvo lífverði með sér þegar hún fer á tónleika í Prag. Þegar faðir hennar hættir við að standa við loforðið reiðist Anna og stingur af ásamt Ben Calder, myndarlegum ljósmyndara sem hún hittir fyrir utan tónleikastaðinn. Þau ferðast saman og stefna á ástargönguna í Berlín. Anna segir Ben ekki hver hún er og Ben segir sömuleiðis ekki rétt deili á sér. Ben er í raun að vinna fyrir föður Anna, og á að fylgjast með henni, en það var aldrei hluti af áætluninni að ástin kviknaði milli þeirra á bakpokaferðalagi þeirra um Evrópu. Þegar Anna uppgötvar hver Ben er í raun og veru, er óvíst með framhaldið á ástarævintýri þeirra.