Smart People (2008)

Dennis Quaid leikur bitra ekkilinn Lawrence Wetherhold sem vinnur sem bókmenntaprófessor við Carnegie Mellon-háskóla. Hefur hann uppskorið andúð nemenda, starfsfélaga og fjölskyldu sinnar allt frá því eiginkona hans lést nokkrum árum áður. Eina manneskjan sem stendur með honum í lífinu er táningsdóttir hans, hin bráðgáfaða Vanessa (Ellen Page), sem er þó að verða skuggalega lík föður sínum í öllu viðmóti sínu. Þegar fósturbróðir Lawrence, hinn vonlausi Chuck (Thomas Haden Church) og nýja kærastan hans, Janet (Sarah Jessica Parker) mæta óvænt í heimsókn hristist ærlega upp í fábreytilegu heimilislífi feðginanna. Þó bæði Lawrence og Vanessa séu skarpgáfuð á blaði eru þau ekki þau skörpustu þegar kemur að mannlegum samskiptum, hvað þá nánum samböndum. Það verður enn augljósara þegar Vanessa myndar undarlegt samband við ættleiddan frænda sinn, og þegar Lawrence fellur fyrir lækninum sínum. Ef Vanessa og Lawrence vilja upplifa eitthvað sem líkist hamingju verða þau að byrja að læra alveg upp á nýtt.