Shredderman Rules (2007)

Fjölskyldumyndin Shredderman Rules! segir frá Nolan Byrd (Devon Werkheiser), en hann er 8. bekkingur sem er stöðugt strítt af hinum illkvittna Bubba Bixby (Andrew Caldwell). Hann er alls ekki einn um það, því Bubba leggur marga samnemendur Nolans í einelti. Þegar kennarinn hans, Mr. Green (Tim Meadows), segir bekknum að hann vilji að nemendurnir vinni margmiðlunarverkefni, ákveður Nolan að láta sitt verkefni snúast um Bubba, og ná sér niðri á honum um leið. Hann tekur myndir af honum að stríða krökkum í skólanum og sýnir myndböndin á vefsíðunni shreddermanrules.com. Nolan tekur upp nafnið Shredderman til að leyna því að hann standi í raun á bakvið þessa síðu. Verkefnið vefur utan á sig og brátt er Shredderman orðinn uppljóstrari um slæma hegðun margra manneskja langt út fyrir skólann. Þegar hann kemst svo að því að faðir Bubba vill eyðileggja fallega tjörn og breyta henni í úrgangsræsi byrja ævintýri hans fyrir alvöru.