Obsessed (2009)

Myndin segir frá frá Derek Charles, sem er i stjórnunarstöðu hjá stórfyrirtækinu Gage Bendix og er nýbúinn að fá myndarlega launahækkun. Hann er auk þess hamingjusamlega giftur Sharon, sem er sjálf í viðskiptafræðinámi. Eiga þau saman soninn Kyle. Hins vegar er nýr starfsmaður hjá fyrirtækinu, Lisa Sheridan, farin að valda Derek nokkrum áhyggjum. Besti vinur hans og samstarfsmaður, Ben, biður hann um að hafa varann á því Lisa sé hugfangin af Derek. Lisa reynir svo hvað eftir annað að tæla Derek, en án árangurs. Lisa verður því örvæntingarfull og beitir sífellt öfgakenndari leiðum til að stía Derek og Sharon í sundur. Þegar hún svo sviðsetur sjálfsmorð á hótelherbergi Dereks sannfærast Sharon og lögreglukonan Reese um að hann eigi í ástarsambandi við Lisu. Þarf hann þá að taka til sinna ráða til að hreinsa nafn sitt, bjarga hjónabandinu og jafnvel eigin lífi.