Fragments (2008)

Myndin hefst á veitingastað nokkrum þar sem afgreiðslustúlkan Carla Davenport er að vinna. Gestir þar eru meðal annars ökukennarinn Charlie Archenault, læknirinn Bruce Laraby sem vinnur á bráðamóttöku spítalans í borginni, Anne Hagen og faðir hennar auk besta vinar hennar, Jimmy Jasperson. Er þetta fullkomlega eðlilegur dagur þangað til skyndilega heyrast byssuskot og Anne, faðir hennar og Jimmy flýja umsvifalaust undir borð til að skýla sér. Byssumaðurinn nær að skjóta nokkrar manneskjur til dauða, þar á meðal föður Anne, áður en hann tekur eigið líf. Eftir þessa atburði eru þessar fimm manneskjur allar í miklu losti í langan tíma og fylgjumst við með þeim reyna að horfast í augu við samfélagið í kringum sig á sama hátt og fyrr, en það er hægara sagt en gert þegar allt traust á náungann er horfið, allt vegna eins atburðar...