The Escapist (2008)

The Escapist segir frá fanganum Frank Perry (Brian Cox), en hann er á fjórtanda ári fangavistar sinnar í öryggisfangelsi vegna morðs og á enga möguleika á reynslulausn. Þegar dóttir hans verður skyndilega mjög veik vill Frank ekkert frekar en að ná sáttum við hana áður en það verður of seint. Hins vegar fær hann ekki að hitta hana og þarf því að finna aðrar leiðir en þær löglegu til að komast út fyrir veggi fangelsisins. Hann setur því saman snilldarlega flóttaáætlun, en til þess að hún takist þarf hann aðstoð nokkurra samfanga sinna. Þeir eru jafn skrautlegir og traustverðugir og þeir eru margir, en allir deila þeir þrá Franks um að komast út úr steininum og búa hver og einn yfir einhverjum sérstökum hæfileikum til að hjálpa hópnum. Það er svo annað mál hvort öllum muni takast þetta gífurlega erfiða ætlunarverk hópsins...