Van Wilder: Freshman Year (2009)

Í grínmyndinni Van Wilder: Freshman Year er partídýrið Van Wilder (Jonathan Bennett) að hefja skólagöngu sína í háskóla. Hann skráir sig í Coolidge-háskóla, þann sama og allir fjölskyldumeðlimir hans hafa gengið í og hlakkar mikið til. Þegar Van mætir á svæðið er hins vegar búið að breyta skólanum úr frjálslyndum og opnum skóla þar sem félagslífið var í meira lagi fjörugt í strangan herskóla undir stjórn Dean Reardon (Kurt Fuller), manns sem hefur viðbjóð á Wilder-fjölskyldunni. Því leggur Dean sig sérstaklega fram við að gera líf Vans sem óbærilegast. Van ætlar ekki að gefa sig og stefnir þess í stað að því að berjast gegn yfirvaldinu og breyta skólanum aftur í partýmiðstöðina sem hann eitt sinn var. Hins vegar misheppnast fyrsta partýið hans illilega og leit hans að frjálslyndum stúlkum leiðir hann beint í fasið á strangtrúuðum og afar prúðum stúlkum. Van deyr þó ekki ráðalaus...