An Invisible Sign (2010)

An Invisible Sign fjallar um Monu Gray (Jessica Alba). Mona elskar pabba sinn (John Shea), þau hlaupa saman, reikna saman, en það er það skemmtilegasta sem þau vita, gera allt saman. En einn daginn á hlaupabrautinni hnýgur pabbi hennar niður. Eftir löng veikindi er ekkert eftir af manninum sem hún leit upp til. Mona ákveður að gefast upp á öllu, skólanum, fjölskyldunni og vinunum. Öllu nema stærðfræði. Einn daginn, þegar Mona er vaxin úr grasi ákveður móðir hennar (Sonia Braga) að nú sé komið nóg og skipar henni að flytja að heiman. Til að eiga fyrir leigunni tekur hún að sér að kenna stærðfræði í grunnskóla. Þar kynnist hún Ben (Chirs Messina), ungum ástleitnum manni sem sér eitthvað í henni sem hún sjálf ekki sér. Í gegnum hann og líflegan nemendahóp sinn byrjar Mona að þræða veginn í áttina að lífinu sem hún hafði gefið upp á bátinn.